2 فى بوست........ من تانى انا رجعت

قبل اى كلمه هكتبها بشكر كل الناس اللى سألت عليا........... جزاهم الله خيرا.

وبعيدا عن اسباب غيابى......( من ظروف مرضيه وظروف تكنولوجيه...........أعتذر اليكم وبشده.

وتعبت فى اختيار موضوع البوست... نظر لغياااااابى الطويل ,فقررت ان أكتب الى حبيبة قلبى(أمى)1**

بمناسبة رجوعها من الحج..............ان شاء الله

(( حبيبة قلبى ...... يا أمى))

قرأت كل قصائد الشعر لكى أصوغ مقالا اليكى,يعبر عما فى داخلى من حب, وأهديه اليكى, لكنى

ما أ ستطعت أن أنقل احساسى اليكى وحبى من خلال قصائد كتبها أبناء مثلى الى امهاتهم...........

حينها يا أمى أدركت كل معانى العجز,

وللأننى أعرف مدى قبولك الى اى كتابة منى اليكى ماكتبت أننى

,,,أحبك





2*لعالم الأحزان*

* عالم الأحزان*

أيها العالم قد مللتك

أرهقتنى كثيرا وكثيرا

واليوم لا أجد لى طريقا

كل ما فىى ما عاد يهوى المجىء اليك

فلأجل عمر راح....

دعنى أسللك الطرريق

لأجل بنت

لم تتجاوز العشري

لا تدعنى أفر اليك..

دعنى أهرب منك لا اليك

وعلمنىى كيف ينجو منك البشر

الى عالم الآمال والأحلام..

علمنىى مقابل ما أعطيته للك من دموع وآهات

وعشرين عاما من الأيام( من باب الشخابيط الفنبه والخواطر الشخصيه)

أخيرا

كل سنه وأنتوا طيبين.............. وان شاء الله المره الجايه مو اضيع.

الأطباء............ والاعلانات

( تحديث.)))... انا والله والله لا اقصد اى اهانه لاى دكتور, وكتبت الموضوع دا, لانى من يوم العيد تعبانه , كان عندى برد, واخدت دواء زى اى حد , وخفيت وبعد يوم مسكت معدتى وتعبت من الدواء, فبعدها لاقيت معظم الدكتره اللى رحتلهم........ لاى تعب بسيط, بيكتبلولى روشتات ب100 ,150, وما بخفش غير لما اروح لدكتور فى اسكندريه....... والاقى عندى حاجا تانيه خااااااااااالص...., كمان مره والله ما اقصد اى تجريح.

عندما كنت صغيره, كنت دائما ما أتمنى ان أكون طبيبه , لكى يكون اسمى معلقا على كل جدران الحى... وعلى كل الحوائط فى المدينه , رغبة فى أن أرى اسمى معلقا مثل كل الاسماء الأخرى , والتى قد تصبيك احيانا بالتلوث البصرى.
لم تكن امنيتى أن أكون طبيبه........... لكنى أحببت أن أكون طبيبه لكى أرى اسمى معلقا هكذا..

وتبقى أحلام الطفوله.... أحلام, وما الامانى والاحلام الا تضليل على قول الشاعر كعب ابن زهير.

لكن نظراتى الطفوليه البريئه قد تغيرت عندما كبرت , وعرفت أن معظمها مثل ,

أسماء الاعلانات والمنتجات تماما, فأنا من جربت الذهاب اليهم, وتدرك معنى ما أقول عندما تذهب الى الاطباء لا قدر الله فى ابسط الاشياء وترى العجب العجاب, مثل حساسيه فى الجلد, او على الانف, او الزكام,

أو أى ألم بسيط.......... فى الاخر ليه علاج .

, وأحسب ما ستنفقه عند كل طبيب على حده, وأنظر الى ما يكتبه كل طبيب اليك.

. أليست كليات الطب علومها واحده, وان كانت مختلفه.... مختلفة كل هذا الاختلاف.!

قد تضطر الى الذهاب يوما الى بعض من هولاء الاطباء الذين لا يجدون الا كتابة الأدويه ثم الأدويه...

وليس ذلك لصعوبة المرض, ولكن لصعوبة شىء ما ,أنا لا أعرفه وأتمنى معرفته,

و هحكيلكم

انا كان بيجيلى ضيق فى التنفس, كنت باخد جهاز التنفس 5,4 مرات يوميا لفترة والحمد لله راحت خااااااااااااااااااالص الحمد لله

دكتور قالى حساسيه على الصدر, واخدت دواءءءءءءءءءءءءءءءءءءءء كتيرررررررررررررررر

تعبت اكتر, غيرت الدكتور ورحت لدكتور, قالى التهاب فى الشعب الهوائيه وادانى دواء كتيررررررررر وبفلوس كتير, وما خفتش بردوا

غيرت الدكتور ورحت لدكتور, قالى بصى يا بنتى, انتى معنديكش حساسيه والحمد لله, بس عندك حساسيه على الانف ودى عندنا فى الطب ملهاش علاج, بس .. ابعدى عن التراب والدخان والبرد وادانى دواء........... واخيرا خفيت والحمد لله و بشوى السمك عادى خالص.... اه بتعب شويه, لكن والحمد لله ما بخدش جهاز التنفس,

ولو تعبت بتعب كل فين وفين.... وارتحت نفسيا..... وعرفت عندى ايه, دا انا كنت حاسه انى بودع,

, انا عندى حكايات كتيررررررررر اوى لاصحابى واخواتى,

ومحدش يزعل لو كان دكتور, انا اخويا وجوز اختى ومرات اخويا وابن خالى وخالى دكتره, ومعظم الروشتات اللى بيقروها لحد غيرهم, كانوا بيمسكوها , وبيقولوا.......... حسبى الله ونعم الوكيل.

والحل فى الموضوع دا بسيط جدا( كل دكتور يراعى ربنا) بس.

انا واحده صحبتى كانت تعبانه وربنا شفاه , وقاللتى كلام فيما معناه( فى كل مره كنت أمتلك المال بعد رحلة طويله من الالم, لكى اذهب الى دكتور محترم , فهل كل المرضى يمتلكون ذللك؟

بل

هل يمتلكون معرفة الأطباء المحترمين اولا.

حكايات كتير بسمعها مش بصدقها, من ضمن الحكايات دى, اننا عندنا مستشفى اسمها ( القدس) الناس بتقول اللى بيدخلها بيطلع ميت,

ومكنتش بصدق كلام الناس, لغيت ما جيه الاستاذ (محمد)عندنا فى المدرسه يعمل عملية الزيده, والكلام دا من ايام الثانوى, وقالنا ادعولى انا هعمل عمليه فى القدس......, وقعد يضحك, فقام مدرس من المدرسين... ونصحه بالا يذهب الى القدس, قالواأ. محمد) الاعمار بيد الله,

يا عم يهديك يرضيك, فقام الاستاذ حامد مصوره صوره على الموبيل........ وقايله صوره تذكاريه قبل ما تموت........ وانتهى الحوار بالضحك, وبعد يومين, توفى الاستاذ محمد الله يرحمه,

وكل ما الميكرفون ينادى على واحد ميت واحده صاحبتى تقولى ( خريج مستشفى القدس).

والله انا طول النهار بسمع كلام وبلاوى عن اللى بيحصل جوا المستشفى. اللهم عافينا.

عايزه اقول كمان, انى بحس ان معظم الدكتره المحترمين فى المحافظات الكبرى الفيزيتا بتاعتهم بتبقى عاليه,

فالناس بتلجأ الى المستشفيات, وما ادراك ما المستشفيات............

هى المشكله فى الاول والاخر مشكلة ضمير اه والله....... يعنى كل واحد وكل دكتور يتقى ربنا فى مرضاه, لان دى ارواح ناس, والاعمار بيد الله...

بعتذر وبشده عن غيابى لانى والله ما كنت قادره اقعد .... كنت تعبانه والحمد لله دلو قتى انا بقيت فى افضل افضل حال وبروح الكليه وبقيت تمام التماااااام الحمد لله,

تعليم باطل باطل باطل

مدرستى جميله نظيفه متطوره
ادخلوها بسلام امنين
. ورسمة مدرسه على الحيطه بتاعة المدرسه( مكتوب عليها
نموزج لمدرسة الشهيد جلال.
أبص شمال ويمين
ألاقى مبنى قديم ومبنى جديد , طيب مين هو الشهيد جلال؟ وأى مبنى من الاتنين(
النموزج العظيم) انا معر فش!

دا أول ما شوفته من شعارات مكتوبه وأنا داخله المدرسه وفى أيدى بنت اخويا( اول بنوته من اولاد

اخواتى تدخل المدرسه. وعلى وشها ابتسامه عريضه وأسئله كتيره, زى كل الاطفال.

وبدأت با لاسئله...

( مانا, عمتو عمتو بكل قرف كدا , هى دى المدرسه بقى؟

حنين اللى هى انا بقى) رديت عليه بكل قرف برده, هو اصلاا كان يوم مقرف

مش عجباكى

دى كل العيله الكريمه اتعملوا هنا

جيل اخر زمن.

ابص للمدرسه يا اخواتى.

الاقينى مزبهله لا اردايا

وفاتحه بوئى توماتيكى ,وحاطه ايدى على خدى

وبرجع برجلى لوراء

وبمسك فى بنت اخويا

لا لالالا لالالالالالالا

مش هى

مانا) يلا يا عمتو ندخل

انا) انتى متاكده انها هى

انا) شور شور

مانا) لا مختش مصروف

وقعدت اتامل فى المدرسه وأسال نفسى

امال فين الملايين اللى كل سنه بسمع عنها لتجديد وبناء المدارس,

طيب انا قعدت يجى حوالى11 سنه فى المد ارس؟ معظمها كانت مدارس قديمه

ودا مش المهم!

المهم الفلوس بتروح فين

وبعد كام سنه ان شاء الله المدارس دى هتتهد وتتبنى من جديد

وكام مدرسه على دا الحال

برده مش دا المهم!

المهم

اننا لسه لغيت دلوقتى بنتكلم فى المبانى اللى هتقع واللى مش هتقع

والدول العربيه بيتعملوا با المعلقه.

وبعد الرحله التأ مليه دى , فوقت على ايد بنت اخويا وهى بتقولى يلا ندخل المدرسه وهى فرحانه اوى

وحيث ان لكل فعل ردفعل , رحت ماسكه ايديها

انتى فرحانه كدا ليه!

با المدرسه المهببه اللى هتدخليها

ولا با التعليم المهبب الى هتتعلميه ولا تكونيش فرحانه انك كبرتى

لا ما تفرحيش

دا انتى لسه قدامك

سنه اولى وتانيه وتالته واربعه وخامسه وكمان سته

واولى وتانيه وتالته اعدادى

واولى وتانيه وتالته ثانوى وان

جبتى مجموع بعد كل دا

ابقى زورنى فى تربتى وتفى على قبرى

المهم........

ان مانا برده بتضحك ولا فى دماغها

ومرجعتش فى كلامها ومصره على نفس الجمله( يلا ندخل المدرسه)

سميت بسم الله الرحمن الرحيم ودخلت برجلى اليمين ودخلنا المدرسه

هيااااااااااااااااااااااااااا

وطبعا مفيش حد فينا معندوش زكريات لاول يوم دخل فيه المدرسه

طيب انا اول يوم دخلت فيه المدرسه تهت, ههههههههههه

المهم

لاقيت فناء المدرسه كله ستات اه والله

ياااااااااااه كل دى مهمات

بسم الله ما شا ء الله

المهم قعدت اسأل

ما هو كان كل اللى قدامى مهمات ,7 من الاباء فقط, وعلى فكره حرصت اشد الحرص ان اعدهم من باب التفرقه العنصريه هههههه

فمكنش قدامى غير انى اتعرفلى على واحده تقولى ايه اللى بيحصل فى المدرس, ما هو مفيش ولا مدرس قدامى

المهم

قاللتى الست جزاه الله خير

تدخليها من البوابه اللى هناك دى

البوابه قدامها حشد من الستات

طيب وبعدين

طيب وليه الاولاد يد خلوا المدرسه با الطريقه دى

يدخلوهم من البوابه ويقفلوا عليهم

والامهات تستنى برا البوابه

والاولاد يصوتوا ويعيطوا جوا

حاجه كدا اشبه من السجن اه والله

طيب ما يعملوا طوابير فى الفناء وينادوا الاسماء زى منا فاكره

ا الظاهر انها بقى سياسه عامه هههههههههه

ما علينا

المهم ان الاولاد يدخلوا من البوابه من هنا

والصويت يشتغل

والامهات تتخانق

ومنظر غير حضارى خالص هههههههههه

ومانا فى اللحظه دى مكنتش بتضحك لوحدها, كنت انا وهى

وبعدين لاقيت الاول الصبيان

عاملين طوابير مع نفسهم ورفعين الشنط, وقاعدين يقولوا لا اله الا الله

والستات يعنى قاعدين يرددوا

دا سجن دا

دى مش مدرسه

عايزين نشوف عيالنا

والله العظيم انا شحت موبيل بكاميرا عشان اصورلكم اللى شوفتوا

بس لوكنت صورت كنت رحت فى الرجلين, وما كان اكثرها.

وشويه

لاقيت العيال طاعلين من فوق الدور التانى وبينطوا

وصوووووووويت على الاخر

دا كله فى المدرسه

يعنى المشهد اقرب بمخبر العيش

ولم يسلم المشهد من خناقة الستات مع بعضهم برده

يعنى الكلام دا لو فى اى مكان

ما شى, هعديها

لكن فى المدرسه, ازاى!

تطبيق النظام عندنا فى اى عمل كمان شويه هيبقى معدوم,

انا مش عارفه العيب من مين؟

دا غير بقى التعليم نفسه؟

النظام من اوله لاخره فا شل والحدق يفهم

وانا قولتها ومش خايفه

التعليم هنا

باااااااااا طل بااااطل باا طل

وكل سنه وانتوا طيبين

وعيد سعيدددددددددددددددددددددددد

والله انا عارفه ان اتأخرت فى البوست, لكن والله انا تعبانه وواخده برد محترم, ولسه كان متعلقلى محلول وباخد حقن وقاعده ابلع حبوب

يعنى اللى عايز العيديه منى

بلاش

حفاظا على صحته هههههههههههههه

كل سنه وانتوا طيبين

يا احلى مدونين

حنين

قال راحه قال

((((( تحديث,,,))))
بعتذر لغيابى, عشان العشره الاواخر, وكل سنه وانتو طيبين
وبشكر اوى اوى اوى اوى اوى كل الناس اللى سألت عليا
وانا مش نسياكم
وبدعييلكم معايا
وبعد رمضان... هرجع بموضعات كتيرررررررررره ان شاء الله
كل سنه وانتوا طيبين يا احلى مدونين

...... نصحنى بعد الاصدقاء وقاللولى ريحى باللك شويه...... تفتكروا دا صحيح, ممكن ينفع مع ناس كتير ومنهم اللى قاللولى ولكن أناجربت أنسى أكبر أرمى أطنش أكنسل أى حاجه من أى حاجه ,وكله عندى يبقى أى حاجه, لمجرد التجربه حاجه كويسه لكن لنظام حياه أكبر غلط., أيو اكبر غلط انى اعيش بلاهدف ولا طموح ولااى حاجه كدا , أعيش أكل أشرب وأنام واروح من الكليه وأجى ومحضرش المحاضرات ولا اى حاجه بقى خالص, حتى لو حلمت مقدرش أفكر فيه.....أنا جربت فعلاا بجد أعيش كدا , وأهرب من كل حاجه.....كنت بأكل وبشرب وبنام, دا حتى النوم مكنتش بعرف اعمله..... بس والله كانت تجربه حلوه ليا وأستفدت منها كتير, فلاحظت , انى كل واحد منا له أسلوب فى حياته بغض النظر عن اختلاف أساليبنا فى الحياه وطريقه كل واحد فينا وبعيدا عن مدى صحه هذة الطرق,كمان لحظت , اننا ما ينفعش نفكر كتير اوى وعلى العكس ما ينفعش بردوا ما نفكرش... وفى مثل بيقول الشىء الى يزيد عن حده ينقلب لضده. طيب وبعدين........ ما هو انا مش عارفه ارتاح برده لسه,لا تكبير الدماغ نا فع وولا التفكير نافع, لدرجه انى وانا ماشيه فى الشارع بتخيل نفسى مخرجه وأقعد اعمل أفلاام, وأتخيل نفسى مصورة واتخيل نفسى مغنيه بغنى لكل الناس............ ومش بس كدا . لا,دا انا بقوم بكل الادوار اللى فى الشارع بعد ما ارووح, انا مش بحلم اكون ممثله ولا عمرى حلمت اكون قدر الله مع احترامى للجميع. بس اللى بحلم بيه وبتمناه,مع ان الحلم دا صعب. انا اقدر اكتب كل الكلام اللى على وشوش الناس. انى أقدر أرسم ملامحهم وعيونهم, انى اقدر اعرف حكايتهم وموواليهم........... لو ينفع أتمنى اكون راجل هتمنى أكون راجل عشان أعرف أكلم الناس , لانى البنت غير الولد فى حاجات كتير وانا أؤمن بهذا الاختلاف طبعاا, فازاى بقى أمنع نفسى من التفكير؟ , انا بفكر بطريقه غبيه, بفكر كتير اوى,

دا انا لو لقيت نفسى فاضيه, اروح اقعد فى مكان واقعد بورقه وقلم , واقعد افكر واكتب ,ههههههههههه

والله انا بنصح اى حد عايز يقلل وزنه يفكر كتير, ههههههههه اه والله,

وعن تجربة اصحابى, وعن تجربه ليا, لانى بقالى كام سنه مزدتش الا اتنين تلاثه كليو وبس ووزنى ثابت. وكو يس والحمد لله

طيب وبعدين

اعمل ايه فى نفسى؟ جربت ما افكرش او اقلل افكر, تعبت اكتر

بس الايام دى مشغوله شويه برمضان

والله ياريت السنه كلها رمضان

كل سنه وانتوا طيبين

مقصوفه الرقبه

حنين

لكل المدونين.... والناس الطيبين... كل سنه وانتوا... وانتوا.. طيبين

كل عام وأنتم صائمون

كل عام وأنتم قائمون

كل عام وأنتم مصلون

كل عام وأنتم قانتون

كل عام وأنتم متصدقون

كل عااام وانتم طيبوووون ومعتمرون

*** كل سنه وكل المدونين سالمين ومبدعين...... ومدونين

ياااااااااااارب ياااااااااارب أميييييييييييييييييين.

سبحان الله,

لقد غاير الله سبحانه وتعالى بين الازمنه والامكنه, والمطعومات والمشروبات, والمخلوقات, ليل ونهار, وسهل وجبل, وابيض واسود, وبين الفصول, وبين الشهوووووووووووووور.

ومن نعمة الاختلاف علينا.............. اختلاف شهر رمضان عن باقى الشهووووووووووووووور.

تتغير الدنيا .. ولا تتغير *** ومدى الزمان تجيء ، لا تتأخر

في كل عام أنت أكرم زائر *** للأرض تهدي من بها يتعثر

لكننا .. والظلم يفترش الربى ***ونفوسنا مما ترى تتحسر

لم ندر كيف إلى التسامي نهتدي ***والأقوياء على الضعاف تجبروا

رمضان .. يا شهر التحرر ، ليتنا ***من جاهلية فكرنا نتحرر

رمضان تأتي واللظى يغتالنا ***والحب في جنباتنا يتكسر

والظلم يفتك بالأحبة ، والمدى ***مما يراه ، على المدى يتفجر

والجوع يفترس العباد ، فترتمي ***كتلا كواكبهم ، هنا تتضور

وخزائن الأموال خلف سدودها ***بضراوة الحرمان .. لا تتأثر

حتام يا رمضان يصرخ جائع ***ويئن ظمآن .. ويسقط معسر ؟

الصوم فيك فريضة ، والحكمة ***شرع الصيام لعالم يتدبر

لكننا .. والنفس مال بها الهوى ***نعدو .. ولكن الخطى تتقهقر

فإلى متى هذا الضلال وعالمي ***رغم الغواية بالهداية أجدر ؟

رمضان يا أمل السماء لأمة ***بك لم تزل عبر المدى تستبشر

ثبت على التقوى قلوب أحبتي ***وامنح لم تزل عبر المدى تستبشر

واهد الهداة إلى مرافيء دينهم ***واحفظ خطاهم في الطريق ليعبروا

واحمل إلى ملأ السماء تحية *** من أمة بصيامها تتطهر

ما زلت يا رمضان أكرم زائر ***ليست تمل ، وإن تكن تتكرر

....................................... زماااااااااااااااااان

كنا نعلق الزينه من فوق السطوح

كانت كل البيوت متشبكه فى كل البيوت

كانت الناس طيبه ومترابطه زى الزينه اللى فووووق السطووووح

وكانوا اتنين تلاته يجيبوا فوانيس وكل الشارع يلعب بيهم

وقبل آذان المغرب تلاقى البنات والاولاد ومعظم الناس فوق السطوح

مستنين آذان المغرب

ونور عمو زغلول

وطبلة الراجل العجوووووووووز

ومدفع الافطار..... فى الراديو, بوجود التلفزيون

وبعد الفطار............... تسمع صوت البمب والصواريخ وصوت خالتوا فتيحه

وبعد العشاء تلاقى كل البنات الصغار والكبار لابسين الطرح وع المسجد لصلاة التراويح

وبعد 8,9 ايام..... تبدأ لمة القريب والحبابيب............... للكحك والبسكوت

وبعدها فساتين العيد واللبس الجديد

وكل سنه وانتواااااااااااااااااااااااااااااااااا

طيبين

زمااااااااااااااااان كاااااااااااااااااااااااااااااااان كداااااااااااااااا.

................................ اما دلوقتى

رمضان اختلف كتيرررررررررررررر.

المهم اننا فعلاا نستغل رمضان بجد,

كلنا اكيد قرينا كتب عن رمضان, وسمعنا شرايط, وسمعنا شيوخنا. فخلاص مش محتاجين, غير اننا ننفذ بجد كل الى قرأناه وسمعناه عملى.

وكل واحد فينا يحط برنامج عملى لرمضان,

** غدا توفى النفوس ما كسبت ويحصد الزارعوووووووووون ما زرعوا

ان أحسنوا فقد أحسنوالأنفسهم وان أساءوا فبئس ما صنعوا

وكل سنه والامه الاسلاميه كلها بخيررررررررررررررررررررررررررررررررررر.

بس نفسى اقول......................,

لكل امام وخطيب.

نفسى اسمع خطب عن وصف الجنه , والصحابه, والتابعين, والسيره النبويه, ما تبقاش كل الخطب.. فى التوبه

نفسى يكون اسلوب الترهيب يساوى اسلوب الترغيب( فكل شىء يزيد عن حده ينقلب لضده)

نفسى كل النساء........اللى عندها اطفال شقين اوى تقعد فى البيت, او لما اطفالها يعيطوا....... تقعد بيهم وهى بتصلى, يعنى من الاخر... تعرف طريقه تسكت بيها اطفالها.......... اى طريقه....... وان شاء الله هتاخد حسنات بردوا..... رمضان كريم.

نفسى كل البنات او النساء.......... تساعد النساء اللى معاه اطفال.........فى انها تشيل الاطفال شويه..( وكله بثوابه)

نفسى......... الناس العصبين يقدروا يمسكوا نفسهم شويه, ويصيروا شويه ويهدوا بالهم...................

نفسى حاااااااااااااجات كتيررررررررررررررر اوى

وكل سنه وانتواااااااااااااااااااااااااااااااااااااااااااااااا

وانتووووووووووووووووووووووا

وانتوااااااااااااااااااااااااااااا

طيبيننننننننننننننننننننننننننننننننننننننننننننننن

والله انا مش مصدقه انى رمضان خلالالالالالالالالالالالالالالالاص

وحاللوا يا حالللللللللللللللللللللللللللللللللللللو

احتضار دمعه

ضاع الكلام وهرب عندما طلبت منه استعارة بعض الكلمات لكى أوصف حالتى, صرخت صرخة قويه كاد قلبى يتفت من قوتها ولكنها لم تخرج من فمى, أشعر بالألم فى كل جسدى, أشعر با لضيق فى صدرى, اشعر بأحاسيس حزينه كئيبه لا اعرف كيف يكون تفسير ها , كل ذللك فى لحظه لم يسبقها أى موقف صعب فى هذا اليوم لحدوث ذللك فى نفسى , نعم ....أنا منذ أيام مررت بمواقف صعبه وقاسيه , فهل كل هذه الأحاسيس التى اشعر بها الآن نتجية لهذه الأيام؟ انا حتى عاجزة عن التفكير, حائره فى مشاعرى, اشعر با الضياع ولا اجد نفسى ترى,,اين انتى يا نفسى, اين انتى يا روحى, وانت ايها الاحساس من أنت.فأبكى يا عيونى.... أبكى بلا قيود..... أصبح كل شىء حوللك يبكيكى.... كل هذا ولا تر يدى البكاء...أبكى يا عيون.. أبكى الدمع والدم ....... وأبكى حتى الصباح وبعد الصباح.... تنحل يا جسدى.. تنحل للأبد...... ما الذى لايجعللك نحيلا. بالأمس أغتليت ابتسامتك وضاعت حتى تقاسيمها على شفتيك, صاحبك الحزن والهم اجبارا , وغابت كل افراحك, وزبلت كل وروردك,وأغلقت كل أبواب الامل .. ولم يبقى سوى البكاء على الايام , على الاحلام على الاحزان وعلى استكمال مراحل الألم.... وسأامضى معه حتى انتهائه او انتهائى.

هو فى ايه؟؟؟؟

فى البيت خناقات ومشكلات وهموووووووووم ما بتخلصش. وأصوات كل من فى البيت... فى أى بيت... أعلى من أجدع مكبر صوت . فى الشارع خناقات ومشاكل وواحد ماسك فى التانى, وواحد بيزعق فى الاولانى......, فى المواصلات خناقات ومشاكل من ساعة دخوللك الميكروباص.... لغيت ما تنحدف منه, تروح السوق تلاقى بهيه ماسكه فى عنايات. ولو مفيش اجازه وكنا بنروح الكليه.... نلاقى الدكتره مئريفين وزهقانين... من روحهم, ونادرا ما يدخل دكتور بيضحك, طيب وليه نروح بعيد ونفترض اننا بنروح الكليه ونجيب سيرة الدكتره, بصوا فى وش أى واحد ماشى فى الشارع... هتلاقى حواجبه لازقه فى بعضها من كتر التكشير,

من صغرى وانا حاسه انى الدنيا هتبقى صعبه, لكن مكنتش اعرف ولا كان عندى احساس اننا احنا كمان هنبقى صعبين ومعصبين , ومن صعوبه الدنيا لعصبية اهل الدنيا..... ياقلبى لا تتصعب ولا تستغرب!

بعد ما خلصت امتحانات.... ورجعت تانى اختلط با الناس, لاحظت... اننا.... الناس...... بقينا عصبين... دا غير اننا بقينا من زمان مفتريين وقاسين .... وحاجات تانيه كتير.... معروفه بدون شرح ولا تفسير.
ليه؟ ليه بقينا عصبين على الفاضى والمليان؟, ليه ماعدناش بنعامل بعض بما يرضى الرحمن؟, ليه ماعدش جيران زى زمان؟, وقوللى يا ناس.... الا هو فين الاحسان؟. فين الرحمه واللطف والمعامله با الرفق والصبر والحب, ولا كل دى معانى...... فى حكم التنفيذ وبدون تطبيبق, اه مش كلنا كدا ولا كلنا كدا, ولا احنا كدا ولا كدا...... بس بقى معظمنا كدا.....

يعنى مش كفايه اللى بيحصلنا وبيحصل فينا...... نقوم كمان نعض فى بعضينا., وننسى ان الاخوات لبعضيها, والجيران لجيرانها, والحديد لعزوووووووووو.

وليه كل دا...... بنعمل فى بعض كدا ليه, على دنيااااااااااااااااااااااااااااااااا( فانيه)<<<يَا أَيُّهَا النَّاسُ إِنَّ وَعْدَ اللَّهِ حَقٌّ فَلا تَغُرنَكُمُ الْحَيَاةُ الدُّنْيَا وَلا يَغُرنّكُم باللَّهِ الْغَرُورُ يَا قَوْمِ إِنَّمَا هَذِهِ الْحَيَاةُ الدُّنْيَا مَتَاعٌ وَإِنَّ الآخِرَةَ هِيَ دَارُ الْقَرَارِ >>>>

.نسينا احنا اتخلقنا ليه............. وقاعدين لبعض, ولابنستحمل بعض, ولا بنحب بعض, وبنحقد على بعض , وبنعامل بعض لبعض المصالح وبنحسد بعض(( نحن قسمنا بينهم معيشتهم في الحياة الدنيا ')) .
انا عارفه والله ان الايام الى فاتت كانت صعبه علينا من ارتفاع الاسعار والاحداث الى حصلت واللى كل يوم بتحصل. عرض مستمر ويارب ما يستمر . , وعارفه كمان انا الحر عامل شغل جامد فى الناس...هههههههههه محدش طايق نفسه اساسا, حتى النت مش طايقنى حتى اكمل الموضوع وكل شويه يفصل. دا غير مشاكلنا العائليه, ومشاكلنا الشخصيه............ اييييييييييييييه دنياااااااااااااااااااااااا.

بس وسط الهموم دى.............. فى حاجات نسينها ,وفى حاجات تفرحنا ,وفى اعمال تنجينا وتعدينا من الدنيااااااااااااااااااااااا .

*** إدخال السرور على القلوب,............ قال الرسول صلى الله عليه وسلم<<...من أدخل السرور على أهل بيت فليس له جزاء إلا الجنة ". دا غير احساسه هو .. بعد ما يفرح او يسعد اللى قدامه, دا غير جزاءه فى الدنيا, دا غير لما يقع فى مواقف كتير وربنا ينجيه, ولو بضحكه.. ابتسامه.. تنسينا همومنا وتفرح اللى قدامنا وتنجينا فى الاخره.

***قضاء مصالح الناس..(...يقول صلى الله عليه وسلم " من مشى فى حاجة أخيه كان خيرا له من اعتكافه عشر سنين,). أنا اول ما قريت الحديث..... قعدت افكر واقول ياااااااااااااااااه, دا انا بقعد اعيط شهر قبل شهر رمضان عشان اروح اصلى واعتكف اخر عشرة ايام. والله لو يجوز اقول ان الحديث دا من اكتر الاحاديث اللى فرحت بيها فى حياتى هقول, انا طبعا مش عارفه, وعشان كدا بقول لو يجوز, لاننا كتير بنساعد ناس وبنضحى عشانهم.... وما يطمرش فيهم وكمان ممكن ينكروا اللى عملتوا ليهم, وساعتها كلنا كنا بنأخد قرار واحد,( ........) مش هقوله خلاص......... عشان عرفت الحديث

لسه فى حاجات تانيه كتير , ممكن تنسينا همومنا وتنجينا من الدنيا...... بس كدا شكلى طولت, وشكلى مش هقفل الموضوع دا, لانى والله بجد تعبت من الناس وكلامها و اعمالها, وبما انى واحده من الناس, وبما اننا ناس من الناس, فلازم نحس ببعض ونخاف على بعض ونحب بعض ونساعد بعض, عشان الدنيا اللى بنبيع بعض عشانها فانيه واحنا قبلها فانين, و وكفايه اللى احنا فيه, وتعالوا نحط ايدينا فى ايد بعض .......... عشان نعدى من الدنيا كسبانين0( اخوات فى الدنيا............... واخوات ان شاء الله فى الجنه. مش لا دنيا ولا اخره, امال احنا ليه اتخلقنا؟

عينى بارده على اليابان. الناس الجدعان

نعيش اليوم فى عالم كله متغيرات, بل أننا نرى متغيرات المتغيرات سريعه ولاحظت ان اليابان من اسرع بلدان العالم تغيرا وتطورا, ولكنها فى الوقت نفسه تقوم على دعائم من التقاليد العريقه التى تضرب فى التاريخ الى اقدم الازمان ... . لقد أبدى الشعب اليابانى خلال تاريخه الطوويل استعدادا فريدا لاستيعاب الأفكار الجديده وتطويعها بما يتلائم مع بيئته, وما احوجنا ونحن فى هذه الأيام أن نقف وقفه مع أنفسنا( كل واحد يقف مع نفسه... بعيدا عن حكومتنا الموقره.. واعلانات الوقفه اياها) نحاول ان ننظر بعمق وجديه الى التجربه اليابانيه, ونتعلم قدر استطاعتنا من هذه التجربه , ونأخذ ما يصلح لنا, * تجربه..... لا نأخذها كلها... ولانتركها كلها , بل نأخذ منها ما يناسب ديننا وحياتنا وظروفنا وما يلائم واقعنا مهما بعدت المسافه بيننا وبين اليابان( اطلبوا العلم ولو فى الصين) ونترك ما عدا ذلك . *لقد حرمت الطبيعه اليابان من مصادر الثروة الطبيعيه, ولكنها فى نفس الوقت حبتها ثروة بشريه جعلت منها القوة الاقتصاديه الثانيه فى العالم الرأسمالى, واذا سارت حسب تكهنات خبراء الاقتصاد فسوف تصبح اليابان القوه الاقتصاديه الأولى فى العالم . * وفى مصر ولله الحمد نمتللك ثروه بشريه وثروات طبيعيه , ولا أدرى,كيف لانستطيع أن نعيش فقط, مع علمى بأسباب عدم أستغلال كلا.......,.......... وما تفعله حكومتنا الموقره على عينها, وكل الظروف التى نحن فيها., وهل يجوزو بعد معرفه تجربه اليونان, * أن نتكلم عن المشكله السكانيه وزياده السكان والحقوا حددوا النسل, وادفعوا ضرائب على كل حاجه, ما هما اكيد اليابنين بيدفعوا ضرائب بردوا, بس الاكيد انهم بيلاقو شغل, يدفعوا منه الضرائب, مش احنا قبل كل مجال عندنا تلاقى كلمة( فساد او مشاكل او كلمات من هذا القبيل), فى مثل فى اليابان بيقول( كما انت سعيد الحظ لكونك ولدت فى اليابان)... وأن أتحدى اى واحد مصرى او واحده بما اننى واحده ومش بدافع عن حقوق المرأه.. يقوله بينه وبين نفسه حتى, طبعا الا جماعه الحزب الوطنى, اه.. كلنا بنقول بلادى بلادى حبيتك واه من عذابى, وكلنا بنحبهااااا. بس سعداء الحظ دى... يمكن.. جايز .. احتمال.. بردوا ما اعتقدش.****** اه.. تعرفوا الاسم الاصلى ايه لليابان( نيهون اونيبون) والحمد لله ان الاسم دا مش الاسم الرسمى. *اليابان.. شعب, مساحة أرضه ثلث مساحه جمهوريه مصر العربيه وعدد سكانه125 مليون نسمه. **شعب... .. كان لا يملك الا الانسان بعد الحرب العالميه الثانيه ولا يمللك أى موارد طبيعيه بهرالعالم بقوته . **شعب...... كان يتعلم من الصين فأصبح معلما للصين **شعب.....ا . شعب.. دمر نهائيا بعد الحرب العالميه الثانيه فأصبح دخل الفرد فيه من أعلى دخل فى العالم, وقرأتها فى كتاب أعلى دخل فى العالم. ** شعب.....غزاالعالم كله....... بالصناعات اليابانيه فلا يخلو بيت فى كثير من الدول... من منتج يابانى يحمل عباره( صنع فى اليابان) . ** شعب........ يرى كل اختراع ويقلده ثم ينتج أحسن منه. ** شعب........ كان يتجمد نشاطه بعد حرب1973 بسبب أزمة الطاقه فقام بترشيد الطاقه. **شعب...... يأخذ وقتا طويلا فى أخذ القرار.. حتى يشارك ويقتنع الجميع ويحسب كل الأبعاد, ولكن اذا وافق على القرار.. فانه ينفذ المشروع حسب الجدول الزمنى بعكس دول كثييره تأخذ القرار سريعا ولكن التنفيذ يتعثرللمصاعب الكثيره التى يواجهها. **شعب..... شعب, وشعب وشعب..................... فى الآخر شعب متقدم, يعنى لما تكتب( اليابان) تكتب جنبها اليابان المتقدمه, اليابان بتقدم 10% من اجمالى الناتج القومى العام للعالم, وبتحتل المرتبه الثانيه فى تقديم الدعم المالى لهيئه الامم المتحده,و من أوائل الدول الصناعيه والتجاريه فى العالم.. اللى كانت قبل مائه عام فقط.. مجتمع زراعى. مصر بقى شعب ايه... شعب الغلابه , تفكتروا يوم هنلاقى شغل بعد مانتخرج بس , أقول وأكتب ايه والله لقفله الموضوع على كدا

يااااااااااااااااااااااااااااااااااااه .....أخيرااااااااااااا....... لالالالالالا.... بجد..... مش معقوله. أنا خلصت ا م ت ح ا ن ا ت............. حد يكب فى وشى جردل ميه سقعانه , او يضربنى ضربه جامده على قفايا, حد يشيل الغطا... ويقولى لسه نايمه...... عندك امتحانات....... نايمه بقاللك خمس ساعات...... وما فتحتيش الكتاب ولا تعرفى فيه كلمه...... ولا كنتى بتروحى المدعئوه الكليه..... لا والله كنت بروح كل اسبوع مره....... وفتحت فى كل كتاب صفحه,,,, حد يضربنى بالجزمه الجديده اللى اشترتها........ ويقولى فوقى يا مقصوفه الرقبه....... انتى فاكره انك اخدت ا الا .جازه....... وهتبقى رايقه ومرتاحه....... وهتبقى غير كل اجازه........ اوعك تصدقى نفسك......... يحرقك ويحرق اجازتك. ........................... ... .. .... .. ..... يا اما, ايه النفس الشريره اللى قاعده بتكلمنى دى........أيتها النفس الجميله الخيره..... تعالى واتمخطرى.... قوللى هتتغيرى . (. النفس الخيره ) .... طيب يا ستى بما انك خلصتى........ الا قوللى انتى متاكده انك خلصتى فعلاا فعلاا... يعنى تكونيش....( انا)...... ايه ايه انتى بتكلمى واحده هبله..... دا انا خلصت سنه اولى جامعه & ان شا ء لله&( النفس الخيره)........ بعين ونص كدا....... وبتقولى...... يا نونا.( انا) اه يا اختى ونص.( النفس الخيره) اوعى تكونى عملتى زى التيرم الاول.( انا) انتى هتسيحلى ولا ايه...... وبعدين التيرم الاول حطيت ماده مكان ماده, ووالله دى الماده الوحيده اللى جبت فيه جيدا جدا والباقى كله جيد.( النفس الخيره) المره اللى فاتت حطيت ماده مكان ماده...... المره دى يا خوفى تكونى نسيتى ماده. ا( انا).......... يا نهار....... بجميع الالوان. اغرررررررربى عن وجهى, والا سأقطعك اربا اربا, اربه تلو الاربه. اه يا زمن من غير وشوش... اتلخبطت فيك النفوس, الخير بقى شرير.... والشرير بقى وحش كبير..... وبعدين يا بت حنين.. اه اه لسه. ايتها النفس المتفائله...... اطلب منك المساعده. ردت عليا واحده صوتها..... مش هوصفه........ علشان انا لسه مخلصه امتحانات ,ومش عايزه اخد سيئات..... النفس التى طلبت منها المساعده.... غير متاحه حاليا. .......... .. وانا قاعده بكلم النفوس دى كلها. اختى قاللتى . حنين........ قومى صلى وادعيلى عندى كمياء يا رب يخلليك................................ ( انا) طيب........ بس قوللى...... انا صحيح خلصت امتحانات....... ( اختى) قاللتى يا لهوى هو انتى لسه بتخرفى من الامتحانات. ( انا) يعنى ........ خلصت. طيب خدى يا اختى القصيده التخريفيه دى من اختك المخرفه لا يهمك الكمياء فهى مادة لا تزعج الفهماء................. متنوعة فى ابو ابها بتنوع الاشياء . يحتاج من يزاكرها بجد وعناء فكونى انتى صاحبة النجاح .. وامضى وسيرى حتى الانتهاء . بفهم وحل ودعاء . ستصبح مادة الاجواءءءء . سأدعوا لكى وأكثر الدعاء . ولا تخافى فأنتى من الاذكياء . وأنسى ما فعلته هذه الحمقاء .. لأختك وتذكرى فهذا قضاء............ يارب يوفقك يا رب........ ههههههههه وما تحوليش ادبى زى الفاشله اختك.............. انا خلصت امتحانات هههههههههههههههههههه ههههههههههههههههههه> وبما أن أنا خلصت امتحانات . اذن فعمل تاج لنفسى..................( ايه احساسك بعد ما طلعتى من الامتحان)................ ياه احساس فريد وحيد ملوش مثيل......... كنت عايزه اخد كل العربيات با الحضن......... وامسك الشارة بتاعة رجل رجل المرور واثبتها على الاشاره الحمرا واقو ل با على صوت...... خلصت امتحانات ترمم ترممم......... ما هى البلد ناقصه هبل بقى( احساسك قبل الامتحانات...... ودا كان المفرود يكون السؤال الاول ........ بس دا بقى تاجى وانا حره فيه اه..... وبعدين بصراحه مكنش فى دماغى قبل السؤال التانى....... وكمان كسلت امسح وارجع تانى) ج... مش عارفه اوصفه وسط الفرحه اللى انا فيها دلوقتى........( ايه اصعب ماده من المواد) السبع مواد........ لانى مكنتش عارفه فيهم حاجه.( ايه اكتر ماده كنتى خايفه منها قبل دخوللك ليها) الحاسب الآلى...........ههههههههه اه والله......... اصلى اول ما دخلت الكليه خالص.......... كل ما اقابل واحده واتعرف عليها تاخد رقم تليفونى.......... وتقولى انا شايله الحاسب..........( اكتر ماده حليت فيها) كل المواد حليت فيها كويس الحمد لله ما عدا الماده الاخيره لانى الدكتور كان منزل كتاب غلط.......... وكانت الماده دى من كتابين........ حليت نص الماده كويس الحمد لله والنص التانى بتاع الكتاب الغلط........... الفت فيها تأليف..... لدرجه انى فكرت اغير اسمى من حنين لتأليف ..... على نفس الوزن.( اقل ماده حليتى فيها..... ابببا مكنش مفرود احط السؤال دا لانى جاوبته )......... وبما انه اتحط.......... فلازم اجاوب........ والاجابه هى اجابه السؤال التانى وبا التحديد اجابة السؤال السابق........( اتعلمتى ايه من الامتحانات) انى لازم اذاكر........ قبل الامتحانات بمده...... بس انا والله كنت بمر بوكعه...... والحمدلله ربنا شفانى على الامتحانات, تانى حاجه انى كل حاجه بتعدى فى الدنيا دى مهما كانت صعبه, وحاجات كتيرررررر(( الصحبه والشله ساعدوكى) اووووووووووووووووى ( ايه الدعاء اللى كنتى بتدعيه قبل الامتحانات)....... اللهم أتنى الخير وارضنى به حيث كان....... لا اله الا انت سبحانك انى كنت من الظالمين............. اللهم اكفينى بما شئت....... وأدعيه كتير طبعا غير دى(( أحلى رسائل على الامتحانات جاتللك على الموبيل) والله بدور على الموبيل مش لاقياه. كان مع بنت اخويا....... ربنا يستر والا قيه ((. اكتر اكله اكلتيها فى الامتحانات)) البطاطس ثم البطاطس........ على االرغم من غلوها وغلو قليها( الكتب هتعملى فيها ايه) لسه مقررتش....... ومعرفتش...... وقرار زى دا....... ما ينفعش اخده لوحدى , لازم يتدخل فيه رأى امى واختى............( احلى حاجه فى الامتحانات)......... ايه احلى حاجه فى الامتحانات.دى......... السؤال دا شبه السؤال الللى بيقول ايه احلى حاجه فى الجواز....... وطبعا الاجابه....... عن الامتحانات او الجواز.........تنحرق وينحرق با الجاز.......... بس على فكره الجاز غلى........<ج...,. انى عرفت واحده اسمها ناديه......... واحسبها ان شاء الله عند ربى من الصحبه الصالحه اللى ان شاء الله ادخل بيها الجنه.............( اخر كلمه تقوليها عن الامتحانات)............ انها مش لوغاريتمات....... ترمممم وخلصت امتحانات ترمم.( هتعملى ايه بعد الامتحانات ودا اخر سؤال) هنااااااااااااااااااااااااااااااااااااااااااااااااااااااااااااااااااااام, واقوم من النووووووووووووووم انام. واقوم وانام واقوم وانام ,..........................................هررررررررررررررررررررررررررررروح المسجد واحفظ قرآن, وهقرا ان شاء الله كل الكتب اللى شحتها وطبعتها من على النت, انى هتعلم طبخات جديده...... قصدى اتعلم الطبيخ........ لانى نسيته,,, ويارب يارب اقدر اعمل فرقه لالافراح الاسلاميه, هلف على كل اصحابى........ وهلف على كل المدونات. ويارب اعمل كا الحاجات دى

حرام عليكم

حرررررام عليكم,,,,,,,,

تديونا ماده غتته وفانخه

فى الزور واقفه وانا ليه مش فاهمه

مش عارفه احفظها

طيب يرضيكم اذاكر

قاسم امين.........................واقول امين

واذاكر سهير القلماوى................ طاب وانا مالى

ونجيب محفوظ...................... الراجل المشهور

وكلام من دا كتيير......................... كلام على القلب ثئيل

وانا دماغى جزمه قديمه......... بلاستيك وصناعه مصريه

والماده........................... الماده عبيطه

وكتابها.......................... صفحاته كئيبه

والتخليص مليان رسومات........ والرسومات رسومات عفاريت

وانا يعنى ناقصه تخويف

دا كفايه عليا الكوابيس

ومزاكرة كل التلخيص

وبعدين فى الماده دى.............. ما هولازم اجيب تقدير

آه يا انى آه يا انى يا ليل

اوعى تعدى اتبقى يومين

وانا لسه مزاكرتش فصلين

ادعوووا معايا وقولوا امين

يارب ازاكرها واجيب تقدير

اللامتحان بكره........ وانا كتبت التخاريف دى من يومين ومكنتش قريت قريت الا فصلين بس. ربنا يستر يارب ياااااااااااااااااااااااارب.................. مع تحياتى ودعواتى لكل المسلمين الغلابه اللى زى حالاتى.. مع خالص الشكر والجزر, مقصوفة الرقبه

رسائل حب فى الكليه

كليتى معدتى( وكليتى, بقتح الواو وكسر الكاف بما أنك حياتى ومستقبلى....أكتب اليكى هذا ... الكلام .. وحشتينى & (((((((((((((((((( من زمان ماشفتكيش مع انى كنت بروحكيش,
بحبك وما تسقطنيش ))

................................................................................................... ....................................................................................................................................... (((((((((( بحبك بعدد كل المدرجات.. يا أجمد وأحلى المنشأت)))) )))))))))))))) بحبك (&

كل اللى حصلى فيكى ( كل اللى حصلى فيكى بيجرى قدام عنيه .... ....... ............... من يوووم ما دخلتتك لغيت اللحظه دية )
محضراتك ما بحضرهاش... داكترتك ما بعرفهاش عديها وما تكبرهاش))... بضعف من بنشاتك... واهوو جمسى اهووقدامك ))))))))) ". امتحاناتك تعقيد فى تعقيد..... والكل بيكتب فوازير ولا مره بنجيب تقدير)))))))))))
....... طلابك فاشيلن فاشيلن على رأى الباشا تليميذ)))) ...تنجحينى تسقطينى .. تخرجي . تبهدلينى, هأكوون ايه يا كبدى غير واحد عوطلى ..... أنا كان نفسى أكون معيده وأشرف كل العيله والبركه فى الدكتور خيخه خلانى أستاذه عبيطه ............... وأنا بقى ,, كدابه وفى نن عنيا...... دا كلامى ومن تأليفى..... ولا عمرى هحبك, ياكليه الهياب قصدى الاداب,, دا بعدك. دا انا لسه مخلصتش سنه اولى وهنفجر من كل حاجه فيكى........ روحى يا شيخه ,,,,,, وتعالى بسرعه,,,, يلا بقى بلاها مزاكره وامتحانات مع خالص الشكر والجزر مقصوفة الرقبه

مدونتى... وأنا........ فى حوار كدا.... هروبا من الامتحانات

هروبا من الامتحانات............. وقرفها........ اتصدقوا لسه3 مواد كمان...... دعواتكم...... أنا والله بدعى لكل المسلمين الغلابه اللى زى عندهم امتحانات........ هما بيمتحونا ليه..... تخيلوا الدنيا كدا من غير امتحانات...... بس والله أنا ما بحسش بسلام داخلى الا فى أيام الامتحانات, ولا بسمع الجزيره, ولا العاشرة مساء, ولا الطبعه الاولى ولا بقرأجر ايد, ولا بفكر فى الدنيا ولا فى نفسى ولا فى المشاكل ولا ببص فى المرايا ههههه...... المهم أنا كنت عايزه أكتب ايه....... نسيت ( زهايمر الامتحانات) اه ......... وأنا قاعده زهقانه من المزاكره والحمدلله لسه مش فاهمه أى حاجه فى الماده... بس فى أمل...... قولت لنفسى روقى كدا وروحى أفتحى المدونه..... وفتحت المدونه, وفتحت كشاكيل المواضيع اللى بكتبها من زمان أوى مع نفسى. , وقعدت أقرا لقيت مواضيع كتير, رحت قافله الكشاكيل...... وسألت مدونتى, ممكن أتكلم معاكى شويه, أحكييلك على موقف كدا وأنا صغيره(المدونه: )ومالوا يا عنيا ما هو أنا عتال الهموم الهموووووووم اللى أبوكى جبهوللك . (حنين: ) طيب, اسم الحكايه, هاهاهاهاهاهاهاها .( مدونتى) معناه ايه الههههههههههههههههههات دى....... اتصدقى انتى عبيطه..... انتى يا بت مش هتبطلى هبل.( حنين) هاهاهاهاهاها دا اسم الحكايه...... بس اصبرى للاخر.( مدونتى) عملت تسجيل الخروج........ وطلعت لوحدها . أنا بحكى وبوصف اللى حصل المهم........(حنين) بتعمل تسجيل الدخول.( مدونتى ) مش فاتحه..... ( حنين) بتحاول تدخل تانى على المدونه.( مدونتى) مش فاتحه .( حنين) جابت شاكوش وعلى زرار enter .. , لغيت ما فتحت المدونه من كتر النقر والضرب والضغط. ( مدونتى) راحت طالبه المساعده من my computer ,فلبى النداء وهنج ( حنين)بتعمل ريستارت بنفس الشاكوش....... لغيت ما فتح الكمبيوتر والمدونه( مدونتى) راحت قافله فى وشى تانى.( حنين) ايه قلة الزوووق دى( مدونتى) من عمايللك ومو اضيعك المهببه على عينكى.( حنين) خلاص .. ايه رأيك نعمل هدنه.( مدونتى) ما دام هناك شاكوش فى الحكايه... أقبل................. وبعد كل الوصف والمشاهد العنيفه دى ..... عاد الكلام والحوار علىأرض المدونه من جديد ورجعت أكتب فيها وأتكلم معاها ( حنين).......... فاتحه صفحه انشاء الرسائل, وفى عنوان الرسائل..... راحت كا تبه تانى...هاهاهاهاهاه...( مدونتى) تانى يا مقصوفة الرقبه...... على فكره اللى بتعمليه يخالف شروط الهدنه., وانتهاك واضح وصريح للقانونى الدولى لحقوق المدونات.( حنين) انتى مدونتى ولا مدعى عام.( مدونتى) مدونتك يا بت وبخاف عليكى. انتى عندك امتحانات ( حنين) عشان امتحاناتى بردوا......... د انتى ا قفلتى اول ما كتبت ههاهاهاها , ايه علاقة هاهاهاها با الامتحانات( مدونتى) انو ما ينفعش تحكيلى حكايه مضحكه وانتى عندك امتحانات, لان عندك امتحانات ( حنين) انتى عرفتى يا ستى انا كنت هكتب ايه بعد هاهاهاهاها ( مدونتى) واضح اللى كنتى هتببيه ( حنين) والله, حكمت عليا ازاى ان شاء الله, دخلتى قلبى وشوفتى اللى جواه................ اما انك مدونه ما بتفهميش بصحيح..( مدونتى) خلاص يا ستى..... امسحيها فى موضوع تانى...... قوللى بقى كنت هتكتبى ايه (حنين) خلاص...... نفسى اتسدت.( مدونتى) هاتى ايد يكى اللى بتكتبى بيها عليا ابوسها (حنين) كنت هكتب _ انى مره وأنا صغيره كان نفسى أضحك, فطلعت على طبلية الأكل وقعدت اقهقه كدا هههههاهاهاهاهاهاها لغيت ما ضحكت على ضحكى , وقعدت أضحك, أسكت وأفتكرنفسى, أضحك تانى لغيت ما بطنى قرصتنى وقاللتى خلى باللك أمك بتنادى عليكىز( مدونتى) مش قولتلك هبله وعبيطه (حنين) هاهاهاها منا عارفه, بس تعرفى وأنا بحكييلك الحكايه دى عرفت انى رغبتى فى انى اضحك من زمان أوى كدا.( مدونتى) كان أحسن ليكى وليا وللناس اللى هتقرأ لكى, انك كنت تروحى تقهقهى على الطبليه زى زمان وتريحى نفسك من الامتحانات وما تضحكيش حد عليكى.... دا اذا حد غلط وقرأكلامك.( حنين) ما هى الطبليه اتكسرت, فجيت اقهقه هنا واتكلم معاكى.( مدونتى) يعنى انا عندك بمثابة الطبليه اللى اتكسرت.( حنين) يا مدونتى انا بحبك وبحب الطبليه, ومتزعليش يا ستى لما تتصلح الطبليه مش هاجى وأقهقه هنا تانى.( مدونتى) انتى كنتى بتحبى الطبليه.( حنين) اه.....أووى.( مدونتى) ممممممم عشان كدا اتكسرت.( حنين) يعنى ايه؟.( مدونتى) يعنى هيجليى يوم انا كمان واتكسر.... قصدى اتقفل.( حنين) مين اللى هيقفللك دا....... انا صاحبتك. , ولا تكونيش تقصدى الحكومه ممكن تقفللك..... ........ لا من النا حيه دى سيبها على ماللك المللك.( مدونتى) انتى قولتللى . مين اللى كسر الطبليه؟.( حنين) لوحدها....... قضاء وقدر ( مدونتى) اهممممممممممم.( حنين) هو ايه اللى مممممممممم.( مدونتى) هو انى هيجلى يوم بردوا وهتكسر...... قصدى هتقفل, فقبل ما اليوم دا يجى فكرى بقى كدا مع نفسك مين اللى هتهااهاهاهاهاهاهاى معاه لما أنا اتقفل انا كمان.................................اعزرونى اذا كان هناك افعال ماضيه على مضارعه على غلطات مطبعيه.. اعزرونى على الحكايه المهببه دى, وعلى فكره كل حكايتى مهببه كدا بردوا. بس شوفتوا مدى قوة المدونات علينا.

مااااااااااشى حاضر طيب من عنيه

وانا داخله الثانويه العامه من كام سنه كدا بقى الله لا يرجع الايام دى أبدا, بابايا وعمى وأمى قاللولى, كل حاجه هتطلبيها هتبقى تحت أمرك,. ورهن اشارتك وكل اللى عليكى يا حنين انا تزاكرى وبس, وتجيبى كليه الطب.......... بس ولكن لما دخلت الثانويه اول حاجه طلبتها مكنوش معترفين بيها وهى الدروس, وبعد مفاوضات ومساومات اخدت درو خصوصيه بس مش فى كل المواد, وبمساعدة ماما فى بقية المواد . قلب الام بقى , وبمصروفى كملت المواد التانيه, بس اتعذبت عذاب........... وحاولت اقنع بابا كتير بفكرة الدروس الخصوصيه معرفتش........ لكن كان بابايا فى كل مره وفى كل محاوله كان يقولى (ماشى حاضر ) من عنيه يا نن عيون أبوكى من جوا............وبعدين دروس ايه وقرف ايه يو نو نا, دا كله كلام فاضى وبعدين تعالى هنا قوللى هما هيقوللوا ايه غير اللى فى الكتاب.. ها.... ارد عليا انا بقى واقوله (يا با با عشان خاطرى .. طيب السنه دى بس... نجرب... نجرب ونشوف) يقولى بابا( اتعلمى من ابوكى دا انا كنت بزاكر على لمبة جاز, ولا عمك, عمك اللى كان بيزاكر فى المزرعه تحت نور القمر والركضه, جيل أخر زمن............. اااااااااااااه فين فين ايام زمان.......... ااىىىه الايام بتعدى والدنيا بتتغير...... ويسكت شويه ويسرح وبعدين يقولى قال دروس قال......... طيب والله يا حنين)....... وقبل ما يكمل ادخل فى الحوار تانى علطول واقاطعه واقوله( خلاص والله يا با با خلاص....... يا با با احنا بنتكلم) وانسحب من الحوار والمناقشه املاا فى مناقشه تانيه........... واقول لنفسى ( اهو يمكن يمكن يقتنع..... واحمس نفسى واقولها اوعك تستلمى...................... وبعد الثانويه العامه أصبحت كلمة ماشى بمعنى تانى ومفهوم اخر, فأصحبت ولللأسف أقول ماشى لأى حد يطلب منى حاجه سواء كنت هعملها او مش هعملها,فكلمة (ماشى) كلمه بتريح الللى قدامى وبتريحنى أنا قلبهم, لدرجه انى بتهيقلى انى اللى قدام بيبقى فاهم قصدى وفاهم قصد كلمه ماشى على وجه التحديد, وبقيت اقولها على انها كلمه بتريح الزبون زى ما بيقولوا,وكلمه ماشى ..... كلنا بستعملها كمان فى ارضاء الاطفال او اخواتنا الصغيرين او حتى اخو اتنا الكبار اوى اى حد....... شوفوا بنقولوا كلمة( ماشى )دى كام مرة فى اليوم وشوفوا فى كل مره بنقول كلمة( ماشى) بنقولها ردا على ايه( يعنى بنقولها لنرضى الناس ولا كلمه( ماشى )كلمه زوقيه افضل من كلمة (لا)ا ولا بنقولها فعلاا لمعناه اللى هو طيب او حاضر. دا احنا حتى لما بنجى نقول للاطفال( اسكت يا واد او اسكتى يا بت) يردوا علينا بردوا بكلمة( ماشى) وهنروح بعيدااووووووووووى ليه, شوفوا الحكو مه بتقول كلمة( ماشى )وماشى الحال ومصر عال العال كام مره, دا انا بتهيقلى انى حكومتنا حققت الرقم القياسى فى كلمه(ماشى)ااكتر من قولة الناس على الدنيا( ماشى يا دنيا)............. يلا بقى انا ماشيه....... ماشى!

مره فرحه

بعد أيااااااااااااااااااااااااااااااااااام ,وأياااااااااااااااااااااااااااام من السهر والتعب والقرف والأرق نمت انبارح با لليل كدا مره واحده

طيب مكنتش بنام بالليل, وليه النوم جانى انبارح انا معرفش<

.. من أيام الثانو يه الهباب وانا انام حبه من الليل على حبه من النهار على ايام ما أنمش خالص
ومن بين كل الأيام والليالى ,أنام مره با لليل. وأحاول أبطل العادة الزفت دى. ابطلها وارجع تانى أسهر الليل, وانبارح بس لأول مره انام بالليل من زماااااااان........... ياااه والله كان واحشينى طعم النووووووم بالليل, وأول ما صحيت من النوم , طلعت جرى على البلكوننه وفتحت كل الشبابيك.

وقعدت ألف وأرقص فى الشقه زى العيال الصغيره........ يااااااااااااااااااااااااه حياه تانيه , احساس تانى تانى , وقعدت اغنى وأدندن وأقوووووووووووول

&برقص من الفرحه برقص وانا حره &

. برقص من الفرحه & & برقص وانا حره .

• وانا حرررار انا حررار انا حراااا
  
  ولا حد يسالنى ليه انتى بتغنى
  
  عنى ياناس عنى دى بتيجى كدا مرره
  
  مرررارررررررر مرررارءءءاء
  
  لحظه وعايشاه اتهيقلى شايفاه
  
  شايفاه جوايا دى الفرحه دى حلوه
  
  . حلواااااااااااا حلواااااااااااااا اءءءاء
  
  واهى حبه وى ىىى را.. يحه مش دايمه انا عارفه
  وهارجع تانى لهمومى واستنى يوم فرحه
  

صباح الخير يا مصر

.ليس النوم هو مجرد استرخاء الجسد وراحه أوصاله, وانما هو نصر غظيم نفوز به فى معركه الفكر الرهيبه.......

لا أعرف كم من الوقت أستغرقه فى محاولاتى للنوم ولكنه يمر وقتا طويلا , أظن أنها سااعات, حتى لا احاول حينها معرفه الساعه لمجرد المعرفه او حتى المحاوله.أخاف من الوقت كلما مر, واخاف من اليوم اذا مر, وأخاف من انتظار الغد, اخاف,أخاف من ان يذهب عمرى كله هكذا, فى انتظار وخوف ويوم وغد وعمر يمر. ولاننى أخاف الوقت, اكره ان اضع ساعة فى حجرتى ولو لمجرد الزينه فقط. ولاننى لا انام الليل , فاصبحت من ساهريه ,وأنام النهار..فوجدت أن , نووم النهار يزيد الجسد ألما وتعبا, ويحيط العين بمزيد من السواد, ويجعللك لاتشتهى الأكل ولا الخروج ولا أى شى بعد الاستيقاظ , ويقلب نظام الحياه , وعندها تدرك نعمه اختلاف الليل والنهاروتحمد الله عليها وتقول سبحانك ياربى يا مالك المللك والملكوت. فعدد ساعات نومك با النهار تختلف, احساسك با النوم وبا الراحه يختلف, قيامك بمهامك الضروريه فى الساعات المبكره من النهار كذهابك الى الكليه على سبيل المثال اختلاف من الاختلافات, درجه التركيز, والفهم أيضا من الاختلافات, تضارب مواعيدك مع من يعيشون معك يشعرك با الوحده والعزله , حيث تنام وتمارس حياتك ونشاطك الطبيعى فى أوقات تكون انت ونفسك والليل فقط. وكيف تصح الحياه ان تسمى حياة بعد ذللك وكيف ستعيش وان عشت كيف ستمارس الحياة بهذا النظام والشكل. وفى احدى الليالى الباهته فتحت التلفاز و تنقلت بين القنوات من(أخبارو تترات ورنات ,أفلام ,مباريات, مسسلات, اعلاانات ,انتخابات ,اعتصامات اضرابات مظاهرات فيضانات حتى وجدت نفسى أمام برنامج صباح الخير يا مصر

حدفا على السرير

أمسكت بقطعه قماش ومسحت بها وجهى وذهبت الى المرآه لا ارديا ورأيت وجها. رأيت وجه قد شحب وبهت وتغير لونه الى لون لم يزكر فى الألوان, ورأيت عينا قد حاطها السواد من كل جانب, وشفتان با اللون الاحمر الباهت با لاضافه الى اللون الرصاصى, وأسنان بيضاء واخرى صفراء, وخصيلات شعر فى خصيلات شعر وعندها ما أستطعت رؤية وجهى من كثرة البكاء على نفسى, وفتحت كل ألبومات الصور الخاصه بى, وامسكت بأحدى الصور , وصرخت بأعلى صوت لدى حينها مرددة هذه انا أنا أنا متجهة بصوتى الى المرآه وأبكى, وسمعتها وكأنها تضحك بسخريه وتقولى دعك من هذه الصور وانظرى الى وواجهى الحقيقه هها هها ههاااااااااااااا. ثم هدأت من البكاء قليلاا ومن صراعى مع المرآه, وتسألت . لماذا أصبحت هكذا ولماذا انا هكذا وكيف أعود الى ماكنت عليه............ حتى تعب عقلى من كثرة التساؤولات والتفكير فى الاجابات والبكاء على كليهما وعندها أحسست بدوار ما أستطعت حينها الا أن أرقد حددددفا على السرير

الفراااااااااااااااااااااااااااااااااااااااااااااااااااغ

• ساعات كدا بتمر على الواحد فينا ساعات فضى وفراغ, فى بقى منا ناس جامدة وعاقله تقتل تللك الساعات بسكين العمل اى كان العمل ايه, ومنا من تملأ تللك الساعات قلبه با الهم والغم ويضع كل ملفات الماضى امام عينه وما تسيبش ملفات الحاضر لانها لاتختلف عن الماضى قليلاا وبا المرة وفوق البيعه المستقبل . يعنى الدنيا تتقلب فوق دماغه اللى مليان بكل الملفات السودة دى. فى منا بقى ودا الاكثر لا كدا ولا كدا لانهم ولسوء حظهم او لحسنه لا اعرف با الظبط لا يمرون بتتلك الاوقات وان مرووا بها مروا كراما وبسر عه جرى. وان زكر اما مهم موضوع الفراغ او بتعمل ايه فى وقت فراغك سيقول للك وبكل استهتزاء وبضحكه كبيرة وقهقه عاليه بكل سخريه هههههههييييهههه فراغ ايه يا ابنى او بنتى بقى هى الناس لاقيه تاكل ولا تشرب ولا تلبس ولا ولا وطبعا عندهم حق كل الحق ولكن لو مررررررريت بقى با الوقت دا وانا اعتقد انى فى شباب كتير بيمروا با واقات فراغ كتيرة بينتج عنها حاجات اكتر. مهما اختلفتا فوقت الفراغ اشبه با التعزيب البطىء الزى يمارس فى سجون الصين( حرف الزال مش عندى على الكيب ورد)ملحوظه). وهو من اخطر حالات الزهن التى يمر بها الانسان.انا عن نفسى من اكتر الحالات التى لااجد لها حلاا وان وجدت اجدى بعد وقت طويل, وساعتها بتنقلب الدنيا على دماغى وبعد كدا تصاحب هزة العمليه حا له من التفكير فى كل شىء ولا شىء وبعدها حا له من البكاء والعو يل وكل ما شبه زللك, غم بقى ,هى ساعتها بتبقى طالبه نكدا وخلاص معرفش ليه وازاى, وبتبقى بجراعات زائدة ,وعلى رأى المثل اللى يزيد عن حدة ينقلب الى ضدة, افتكر اللى حصلى فى الثانوى بعد ما كنت من الاوئل لغيت ما وصلت لفين وبقيت ايه ودخلت كلية بنت الا يه........ المهم بقى ساعات الفراغ دى والتفكير فى الملفات السودة والمهببه بطين دى دى بتعمل خلل فى كل حا جه, يعنى ساعتها ما بتفكرش غير فى اللى ينكدك اكتر وخلاص وما تفتكرش ساعتها اى حا جه حلوة,أول حاجه مفرود نعملها نعمل عمليه تفجير يه فى عقلنا ودماغنا دا ونفجر كل الطاقات الى موجودة فيه ونقعد مع نفسنا ونفكر برراحه انا بحب ايه انا عايز ايه, انا بحب القراءة , النت, الخروج مع الاصحاب, المهم انى اوصل لحا جه انا بحبها واعملها علطول. انا عن نفسى عندى اوقات فراغ كتيرة ووقت كتير فاضى لانى تعبانه شو يه, يعنى بمر بو كعه صحيه على راى المثل هههها وبعد الشر ما تكعوا زى. وقاعدة طول النهار بفكر..... لفيت ما كرهت هدومى. وبعدين قولت لنفسىو بعدين بس بصوت عالى, وبصوت اعلى قولت لالالا لن استسلم وانا بكره الكليه, طيب بكرهها ليه وحطيت الاسباب, طيب هو انا مش ممكن احبها, لا مش ممكن طبعا. ومش ممكن ليه, طيب وهو بعد ما انا وصلت للكليه دى فى ممكن, وبدات اسال نفسى كدا وارد على نفسى. بس كنت قا فله الا وضه لحد يسمعنى. وقولت ما تحاولى تحبى الكليه. واحاول اقنع نفسى انها احلى كليه فى الدنيا, بلاش احلى كليه دى عشان عمليه الاقناع تتم بصدق, وفعلاا اقنعت نفسى انى كليتى هى فشتى ومعدتى وكل حا جه, وبدات احضر واكتب المحاضرا واصاحب بنات جديدة واوقضى ووقت معاهم فى الضحك والهزار بس. واللى فى شغله برده وزهقان يحاول يدرو على شغل تانى, ملاقاش ودا اللى هيحصل, ساعتها هيحب شغله ويحمد ربنا انه بيشتغل واللى مش بيشتغل يدرس اى حا جه لغه كمبيوتر اى حا جه او يشتغل اى شغله غصب عنه عسى وعل تكون طريق لعمل كو يس............. ..................وتزكر ........... ان الزى يعووووود الى الماضى كا الزت يطحن الطحين وهو مطحون اصلاا.......... وتزكر انا اروووع كلمه فى قاموس السعادة لمن أراد الحياة فى أبهر صورة هى)يومك يومك( وأترك غدا حتى يأتيك, لا تسال عن أخباره, لا تنتظر زخوفه لانك مشغول با ليوم................ واعرف جيدا كيف تستغل اوقات فراغك بما يحبه الله ويرضاه ثم بما تستطيع عمله انت وافعا واعمل ولا تترك نفسك للتفكير طويلاا, اشغلها بما هو مفيد بما هو خير بما سيعود علليك بعد زللك با النفع.......... واخيرررررررررررررا ازبح الفراغ............ يضمن للك أطباء العالم50% من السعادة مقابل هزا الاجراء الطارىء وانظر اللى الفلاحين فى الحقوووول والخبازين والبنائين كيف يغردون بالأناشيد فى سعادة كا العصافير وأنت على فراشك تمسح دموعك...........................