الأحد، 14 سبتمبر 2008

قال راحه قال

((((( تحديث,,,))))
بعتذر لغيابى, عشان العشره الاواخر, وكل سنه وانتو طيبين
وبشكر اوى اوى اوى اوى اوى كل الناس اللى سألت عليا
وانا مش نسياكم
وبدعييلكم معايا
وبعد رمضان... هرجع بموضعات كتيرررررررررره ان شاء الله
كل سنه وانتوا طيبين يا احلى مدونين




...... نصحنى بعد الاصدقاء وقاللولى ريحى باللك شويه...... تفتكروا دا صحيح, ممكن ينفع مع ناس كتير ومنهم اللى قاللولى ولكن أناجربت أنسى أكبر أرمى أطنش أكنسل أى حاجه من أى حاجه ,وكله عندى يبقى أى حاجه, لمجرد التجربه حاجه كويسه لكن لنظام حياه أكبر غلط., أيو اكبر غلط انى اعيش بلاهدف ولا طموح ولااى حاجه كدا , أعيش أكل أشرب وأنام واروح من الكليه وأجى ومحضرش المحاضرات ولا اى حاجه بقى خالص, حتى لو حلمت مقدرش أفكر فيه.....أنا جربت فعلاا بجد أعيش كدا , وأهرب من كل حاجه.....كنت بأكل وبشرب وبنام, دا حتى النوم مكنتش بعرف اعمله..... بس والله كانت تجربه حلوه ليا وأستفدت منها كتير, فلاحظت , انى كل واحد منا له أسلوب فى حياته بغض النظر عن اختلاف أساليبنا فى الحياه وطريقه كل واحد فينا وبعيدا عن مدى صحه هذة الطرق,كمان لحظت , اننا ما ينفعش نفكر كتير اوى وعلى العكس ما ينفعش بردوا ما نفكرش... وفى مثل بيقول الشىء الى يزيد عن حده ينقلب لضده. طيب وبعدين........ ما هو انا مش عارفه ارتاح برده لسه,لا تكبير الدماغ نا فع وولا التفكير نافع, لدرجه انى وانا ماشيه فى الشارع بتخيل نفسى مخرجه وأقعد اعمل أفلاام, وأتخيل نفسى مصورة واتخيل نفسى مغنيه بغنى لكل الناس............ ومش بس كدا . لا,دا انا بقوم بكل الادوار اللى فى الشارع بعد ما ارووح, انا مش بحلم اكون ممثله ولا عمرى حلمت اكون قدر الله مع احترامى للجميع. بس اللى بحلم بيه وبتمناه,مع ان الحلم دا صعب. انا اقدر اكتب كل الكلام اللى على وشوش الناس. انى أقدر أرسم ملامحهم وعيونهم, انى اقدر اعرف حكايتهم وموواليهم........... لو ينفع أتمنى اكون راجل هتمنى أكون راجل عشان أعرف أكلم الناس , لانى البنت غير الولد فى حاجات كتير وانا أؤمن بهذا الاختلاف طبعاا, فازاى بقى أمنع نفسى من التفكير؟ , انا بفكر بطريقه غبيه, بفكر كتير اوى,



دا انا لو لقيت نفسى فاضيه, اروح اقعد فى مكان واقعد بورقه وقلم , واقعد افكر واكتب ,ههههههههههه



والله انا بنصح اى حد عايز يقلل وزنه يفكر كتير, ههههههههه اه والله,



وعن تجربة اصحابى, وعن تجربه ليا, لانى بقالى كام سنه مزدتش الا اتنين تلاثه كليو وبس ووزنى ثابت. وكو يس والحمد لله



طيب وبعدين



اعمل ايه فى نفسى؟ جربت ما افكرش او اقلل افكر, تعبت اكتر



بس الايام دى مشغوله شويه برمضان



والله ياريت السنه كلها رمضان



كل سنه وانتوا طيبين



مقصوفه الرقبه



حنين



هناك 90 تعليقًا:

نـــــور يقول...

بحجز اول تعليق بس
هقرا وجايه
سلام مؤكت

كـــيــــــــارا يقول...

تاني تعليق هقرا واجي بس وحتيني وسحلانه منك

كـــيــــــــارا يقول...

انا اقدر اكتب كل الكلام اللى على وشوش الناس. انى أقدر أرسم ملامحهم وعيونهم, انى اقدر اعرف حكايتهم وموواليهم.....

---------

لو عاوزه تعرفي تعملي ده روحي لاقرب ميه بحر ان كانت او نيل واسرحي ويا الموجه الجايه هتقولي كل شي حسي الميه وهي بتمشي وفكري في موجتها كل حاجه هتعرفيها تخيلي بقي ياحنين كام واحد مرت عليه الميه كام واحد شكي همومه ليه كام واحد رزقه منها

فكري في ده وهتقدري توصلي

تحياتي للي مش بتسال عني خالص

عااااااااااااااااااا

نـــــور يقول...

الله الله
كيارا قامت بالواجب؟؟؟!!!
ماشى ماشى
عموما هى حبيبتى برضه وانا مش زعلانه
وانا تمان سحلانه منك اوى عسان اتى مس بتسالى عنى

بصى ياقلبى
انا طبعا مقدره كلامك لاانى زيك وانتى عارفه كده
بس الحل انك تفكرى على قدر الحاج ماتستاهل التفكير

بمعنى اننا بحكم اننا دماغنا مش بتبطل وشغاله 24 ساعه ورديه ليل مع نهار
اننا احانا بندى حاجات فوق حجمها

وده هو الغلط بعينه
فكرى فى الحاجه قد ماتستاهل تفكير منك علشان تقدرى تعيشى بعقلك وفى نفس الوقت تحافظزى عليه بدال مايفرقع منك من كتر التفكير يااختشى
ههههههههه

وحشتنى يانونا يامقصوفه الرقبه
وماتغيبيش واسالى ياندله
كل سنه وانتى طيبه
وعلى فكره لو كانت ايام السنه كلها رمضان مكنش هيبقى ليه طعم خالص
لا هيبقى ليه بدايه الناس تستعد ليها
ولا له نهايه الناس تزعل عليها
كانت هتبقى كلها محصله بعضها
خليه كده احسن بيجى شوبه نتمتع بيه ويمشى تانى
دمت بخير

EMMY BABY يقول...

حنين

بجد زى مانتى قلتى الناس فعلا مش زى بعضها انا زيك مشكلتى فى حياتى التفكير بالرغم ان ساعات كتير بضطر اخد قرارت سريعة واكون مجنونة

بس والله فعلا التفكير الكتير ده بيصدع ويتعب الدماغ

وعلى رايك بيخسس وانا اقول ليه الناس عمالة تقلى اختفيتى اختفيتى هههههههههه اتريه من كتر التفكير

بوست جميل

تحياتى

ايمى

seven يقول...

على فكرة انا سعات برده
بفضل ابص للناس وافكر
واقول ياترى الشخص ده بيفكر فى ايه
سعيد ولا لا
عنده مشاكل ؟؟ اكيد عنده ...هوه مين معندوش يعنى
طب مشاكله ديه اكبر من مشكلى
وممكن كمان اتخيل حياته من خلال شكله كده
ومنظره
يعنى ممكن اقول نه متجوز وعنده عيال
بس مشكلته ان مراته وماماته مش بيحبو
بعض
ههههههههههه
حجات كده
بس اصعب حاجة لما بشوف حد عجوز حزين
بيبقة حزنه باين اكتر من اى حد
بيبقة مرسوم على تجاعيد وشه
وكان التجاعيد ديه جروح بتعبر عن معاناته
(ايه اكلام الكبير ده)
كفاية كده احسن

ShimaaMahdy يقول...

مقصوفه الرقبه
حنين

******

امممممممم انا مش هاتكلم هه مش هاتكلم على الكلمه دى ..بقى حنين حنونه مقصوفه رقبه

عاااااااااااااا

ماشى ماشى

نيجى بقى للبوست اللى هو عن التفكير

مبدأ كبر طنش دا مبدأ غلط بالفعل لان الانسان مش مخلوق عشان يكبر ويطنش ولا دى رسالته فى الحياه

لكن التفكير لازم يكون ليه اسس وحدود

يعنى مثلا مش اشغل دماغى عمال على بطال لمجرد انى بقول عشان مش ينفع اقعد من غير تفكير

عجبنى قوى رد حبيبه

و اتفق معه مليون للميه

ان لازم الواحد يفكر فى حاجه تستاهل مش يضيع وقته و مجهود وتفكيره فى حاجه مش تستاهل من الاساس


بس انا بقى زعلانه على الكلمه هه بس

عاااااااااااااا

و كمان انتى فين اساسا الواحد مش بيشوفك

عاااااااااااا

انا مخمصاكى ومش بكلمك هه بس

و مش تحياتى )):

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالتعليق

شهد الكلمات يقول...

ازيك يا نونة

علي فكرة ماتحسيش انك شاذة عن الباقيين لا كلنا كدة او انا كدة هموم الناس بتشغلني بتضايقني نظرة راجل شايل هم ولا طفل بيتألم ولا حتي بيعيط
و غيرها و غيرها

بس عارفة اننا نحس بغيرنا احسن ما نكون ماعندناش دم و باردين

دي نعمة و الحمد لله نعمة الاحساس

و كل واحد و دماغه في اللي عايشة و خلاص و في اللي مكلكعها و في و في و كل واحد عاجبه دماغه و مريحاه
المهم انك تكوني راضية عن نفسك

تسلم ايدك

تحياتي

غير معرف يقول...

أنتى فعلا معاكى حق أنا بشوف اللى ضارب الدنيا صرمة و مش فارقة معاه حاجة و بشوف اللى بيتعب من كتر التفكير لدرجة المرض و بشوف اللى يفكر شوية و يريح شوية
أنا زيك برضه مش بعرف اقعد إلا و فى حاجة فى دماغى و فى حاجة عايشة عشنها و مخى مشغول بيها بس يوم ما بقرر انى عايزة النهاردة أعيشه كدة بقفل فعلا دماغى و اللى يحصل يحصل المهم أنا عايزة إيه

على فكرة مدونتك زى العسل و أتشرفت انى زرتها

تسنيم محمود حسين يقول...

السلام عليكم

فيه حاجات ينفع فيها النسيان او بمعنى اصح الطناش وتكبير الدماغ...وفى حاجات تانيه تكونى عايزه فيها دماغ تاني مع دماغك عشان تفكرى فيها.... وان جيتى للحق ألأيام اللى احنا عيشنها ديه الحل الوحيد ليها اننا ننسى عشان كل مابنفكر فيها نلاقيها اتخربططت اكثر ما هى متخربطه خلقه...
يلا الله المستعان .....
بس بجد احنا لازم نفكر فى كل حاجه هى اى نعم ماشيه بتدبير ربنا بس احنا لازم ناخد بالأسباب ونفكر عشان ينصلح حلنا....ولو كبرنا هتبقى خل
معلش طولت عليكى

سلام

محمد فاروق الشاذلى يقول...

عجبنى قوى تخيلك بأنك مخرج وبتعملى أفلام فى خيالك من وشوش الناس اللى فى الشارع.
دليل على خيال كبير ونواة مبدعة.

اللى بيحس بالناس ويفهم أحاسيسهم شخص مش عادى.

أختكم فى الله يقول...

السلام عليكم

دى اول زيارة ليا لمدونتك

وعجبتنى جدا جد اجدا

جزاكى الله خيرا حبيبتى

انا راييى من رأيك فى الموضع ده

بس ساعات الانسان بيحس انه عاوز يفك من اى حاجة بشكل مؤقت يستعيد قواه وبعدين يرجع يكمل تانى

كل سنة وانتى طيبة يا جميل

عايش... ولكن !!!! يقول...

انا زيك كده بس بيجيلى وقت وباخد رست ومبحاولش افكر فى اى حاجه خالص

Tamer Alhosiny يقول...

اولا كل سنة وانتي طيبة
ورمضان كريم
دي اول زيارة لمدونتك وفعلا تجربة جميلة
لان موضوعتها تستاهل القراءة
اما عن التفكير
وتكبير الدماغ
فتكبير الدماغ مرادف للا مبالة والعيش علي هامش الحياة بلا قيمة او معني

اما التفكير يعني نقص في الوزن
ورغم انك مش قلتي انتي وزنك كام كيلو بس انا متهيئلي خلاص فاضل ليكي اسبوع تفكير وتختفي

ده مش عيب في التفكير علي فكرة
هي الفكرة كلها في طبيعة التفكير
يعني في ناس بتفكر للفكرة
وناس بتفكر بعقلها وتشتغل باديها
انتي بتفكري وواضح انك بتفكري بس لمجرد التفكير
يعني بتتاملي فقط
وده شي كويس جدا لو اكتمل بانك تحددي
رويتك للمجتمع من حولك
وتحددي بتفكيرك ده
اني فيه ليه وتوصلي بتفكيرك لرسالة معينة تبقا هدفك في حياتك
وتبدائي تنفزي بقا
وده بجد مهم قوي وده الاي ناقصك

وصدقيني
انتي مش لازم تبقي علي هامش الحياة
انتي لازم تكوني في قلبها
وتقوديها
بس انتي ناقصك الادوات
وده دور علم التنمية البشرية
واتمني موضوعات التنمية البشرية
في مدونتي المتواضعة تكون اول خطوة في طريقك

تحياتي
تامر الحسيني
انسان عاشق حر

elsha3er يقول...

بصراحة انا عن نفسى افضل تريح الدماغ لا تفكرينا زى ما انتى قلتى مختلف

احمد الشاعر

(احمد سكر ) يقول...

السلام عليكم ورحمة الله وبركاته

تدوينه رائعه

مع اولل زياره هنا

بس صعب الواحد يكبر دماغه

الدماغ شغاله

حتى وهو نايم

بيحلم

تراكمات اليوم بتتحول لاحلام

دمتى بكل الود

احمد

Unknown يقول...

والله نفسى اشيل فيشة دماغى وارتااااااااااااااااااااااااح انا مشكلتى فى الحياة انى مش بعرف اشيل الفيشة... ما علينا المهم انت تحفة والله

غير معرف يقول...

السلام عليكم حنين

ورمضان كريم واحب اقولك ...كلنا هذا الرجل

يعنى انتى احمدى ربناا على كده فانا بقى بانام وانا بفكر واصحى الاقى نفسى فى دماغى فكرة معينة قبل ما افوق تماما حتى وبعدين لما افوق اقول يااااااااه هو لسه العقل شغال فى الموضوع ده
من الاخر التفكير مش مشكلة المشكلة بنفكر فى ايه

دمتى لنا بخير ويلا سلام

بنوتة يقول...

حد يطول يلاقي راحة بال
انتي فهمة غلط ريحي بالك
يعني متشيليش هموم الدنيا على كتافك
اللي بتقوليه دة اسمه لا مبالاة
على العوم أنا بس نفسي تدخلي تشوفي مدونتي هي لسة جديدة
بس تشجعيني

kochia يقول...

مينفعش تقرري متفكريش
صعب
اللي مخه شغال شغال
لكن ساعات الواحد يحاول بس ياخد هدنة عشان يقدر يواصل

تحياتي لك

,.-~*'¨¯¨'*•~mr ,.-~*'¨¯¨'*•~monshed يقول...

عجبني اوي البوست لان انا في نفس الموضوع تقريبا مش بعرف اريح دماغي خالص بس اللي اتعلمته لازم يكون في اوقات الواحد يريحه دماغه لانه بالطريقه دي مش هايخلص
وكل سنه وانتى طيبة
ورمضان كريم

عالم حبيب يقول...

السلام عليكم ورحمة الله وبركاته

كل عام وانتي بخير حنين

الله عزوجل أعطانا العقل وميزنا به عن سائر الخلق .. هذا العقل من وظائفه التفكير .. التخيل .. استشراف المستقبل

" تكبير الدماغ " " التطنيش " ..... الخ من المصطلحات التي تعزف على نفس الوتيرة هي لغة العاجزين .. فالمطلوب استخدام العقل والتفكير فيما يفيد .. يعني نحاول نطور نفسنا وعقلونا اننا دايما نفكر ونطور من نفسنا

يمكن اللي بيتعب كتير من النساء وكنت سمعت وقرأت قبل كده .. ان النساء بيفكروا بطريقة " حلزونية " :) دي مش شئ وحش لحد يزعل .. بالعكس .. معنى الكلام انهم بيقدروا يفكروا في اكتر من شئ في نفس الوقت .. تكون مثلا بتطبخ وبتكلم في التليفون وبتأكل ابنها وبتغسل وبتنشر .. كل ده في نفس الوقت .. والرجل بيفكر بطريقة متتابعة .. يعني يركز في شئ وينتهي منه وبعدين يشوف غيره

فعلشان كده يمكن كتير من الفتيات بيشتكوا انهم تعبانين من كتر التفكير .. بيفكروا في مشاكلهم وحلها ومشاكل غيرهم .. ومية حاجة .. الحل ببساطة اننا نحاول " نقوم " اسلوب تفكيرنا ونشوف ايه الأولويات المطلوب مننا نفكر فيها

رمضان كريم

حياتي كلها لله يقول...

السلام عليكم
ما شاء الله المدونة جميلة
إن شاء الله نكون أصدقاء
تحياتي

maha zein يقول...

ياااااااااااااااااااااااااه
ادخل عندك الاقي نسخة لنفسي تاني
انا بردو عقلي مش بيوقف تفكير ابدا
ووزني حتي مش بيزيد الاتنين كيلو بتوعك
رابطة علي 52 وعمري ما ازيد
يمكن اقل

عموما الطموح حلو
بس لازم نخاف علي روحنا
لا نتعب منه
صح؟

maioya يقول...

بجد احيانا الواحد بيتمني
انه ينام شهر بحاله ويصحي
يلاقي نفسه مش فاكر اي حاجه
ياااااه حاجه حلوه اوي
انه يترحم من التفكير
كل سنه وانتي طيبه :)

شبــ اون لاين ـــاب يقول...

انا عايز اقولك حاجه

تخييلى نفسك ماسكه كوبايه مايه صغيره و خفيفه و رفعتيها لفوق

طبعا ايديك مش حتوجعك لانها خفيفه

طب ارفعى ايديك كده لفوق و انتى ماسكه المايه لمده ربع ساعه حتلاقى ايدك بتوجعك

طب ارفعى ايديك لمده نص ساعه حتلاقيها بتوجعك اكتر

و هكذا

هل ايديك بتوجعك علشان الكوبايه ثقيله
طب ما تريحى ايدك شويه
و ارجعى كملى تانى حتلاقى الكوبايه خفيفه و اديك مش وجعاكى

الخلاصه طول مانتى بتفكرى ف همومك و مشاكلك ع طول
حتتقل عليكى ومش حتقدرى تشليها كتير لحد ما حتنهارى

حاولى تقسمى همومك و مشاكلك
اه قسميهم
يعنى هموم البيت فالبيت
هموم الشغل ف الشغل
هموم الكليه ف الكليه
و هكذا معلش انا طولت عليكى بس يارب تكونى فهمتينى
_______________________
كان معاكى من امام الكيبورد
واحد مخه لاسع شويه
شبـــ اون لاين ـــاب
الاسكندريه
______________________

Dr Saqr Jr يقول...

رغم انى مش فاضى لكن الموضوع مهم....
شوفى يا ستى
أفضل ما يكونه الانسان هو نفسه بكل ما فيها
وأكتر حاجة ترجعه لورا هى التقليد أو محاولة الهروب من نفسه . أنا أنصحك بالاستغراق فيما أنت هو باعتزاز وفخر وقتها ممكن تبقى أحسن .

تحياتى لكل ما انت عليه و كل ما انت هو وكامل اعتذارى لهواجس الغفلة.

Empress appy يقول...

وحياتك يا اوختشى لما تعرفى الطريقه قولى ليه انا رحت العين السخنه قعدت نص ساعه ورجعت علشان لقيت نفسى حتى لما بسافر بفكر طيب اعنمل ايه بقى

Amgad يقول...

لا تكبير الدماغ نا فع ولا التفكير نافع
معاكي حق الواحد محتاج يتغيب عقليا
مدة معينة كده
ويرجع فريش للحياة
كان ننام اسبوع كامل
وبعدين بقي نصحي للدنيا من جديد
مش عارف اقولك ايه
ولكن الحالة دي بتحصلي كتير اوي

Unknown يقول...

مش كل حد يقدر يطنش
دى قدرات وطبيعة شخصية
كل عام وانتى بخير
رمضان كريم

romansy يقول...

جميل انا الواحد فينا يفكر فى حاجة مفيدة
ربنا يجعل ايامك كلها رمضان واعياد ان شاء الله

Maha Shahen يقول...

مينفعش متافكريش خالص ونلغى عقلنا ولا ينفع نفكر دايما ونحرقه من كتر التفكير ويا ريتنا بنفكر هنعمل ايه دا احنا بنحرق دمنا بحاجات فاتت ونحمل نفسنا هموم حاجات جايه بلا اى هدف
مهو قدر الله وما شاء فعل واللي مكتوب للانسان هيشوفه
فليه تشغل بالك ليه ارحم حالك
انك تحلمى وتتخيلى زي ما وصفتى لو سئلنا دكتور هيقولك شيء صحى .. مسمعتش ولا دوك قالى برافو طيب ما علينا
اهو تفريغ طاقه وخلاص علشان متروحش للتفكير
انصحك شوفى المكان اللي بتقدرى تتأملى فيه واهو التأمل خير مليون مره من التفكير بلا هدف وحرق اعصاب علي الفاضى
اتاملى في الكون في ابداع السموات والارض .. فى الزرع في القمر في كيف يسير الكون بقدرة الله وعظمته وحكمته .. فى ان تعليقى طول قوى ولازم اقفله بقى هههههههههههه
خالص تحياتى ومتحيريش نفسك اعملى اللي يعجبك وسيبك من تعليقات كل الناس خليها افكار تساعدك مش لازم تكون شيء لازم تجربيه لا

ولنا لقاء اخر

حنين.. يقول...

حبيبه
كياااااااارا
حسبوا تتكعبلوا بى بعض بعد كدا
كل واحده تخلى بالها على نفسها
الصحه غاليه برده

كياارا, وانا اعتقد انتى اللى كعبلتى حبيبه

وحشانى يا قمر ويا ترى عامله ايه فى الصيام؟ وعامله ايه على الفطار هههههههه
معنديش لا نيل ولا بحر
اعمل ايه
ينفع اجيب حلة ميه, واحطها قدامى واقعد افكر
ولا انتى شايفه ايه تانى ممكن اعمله
شوفولى حل بقى, مش انتى صاحبة الاقتراح
دمتى سالمه يا قموورتى

حنين.. يقول...

ازيك يا اختشى
وانا خلاص صالحتك
صافى يا لبن
صح

اممممممممممممممممممممم
بصى يا بيباا
انا بفكر فى الناس وانا ماشيه, فى العربيات ومين اللى اخترعها واخترعها ازاى ولو كانت كدا كانت تبقى احلى, ويا ترى صاحب العربيه شاريها بكام, وهو عايش ازاى
يوووووووووووووه بفكر فى كل حاجه قدامى واعمل عليها فليم
هههههههههههههههه تعبت من نفسى والله
عموما اقتراحك
جارى
التفكير
فيه
دمتى بخير يا عثل هههههههههه

حنين.. يقول...

ايمى
ههههههههههههههههههههههه
ما شى يا قمر
بقى كدا
ههههههههههههههه
التفكير بيصدع ويسخن وبيرفع الدم والضغط
وبيجيب السكر
وبيتعب المفاصل
هههههههههههههه بلاوى
دمتى سااالمه يا قموووورتى

حنين.. يقول...

seven
جزاكم الله خيرااااااااااااااا
ايوووووووووووووا اهو انا بفكر بنفس الطريقه دى
ولو لاقيت حد مكشر اكشر, واعيش كدا مع نفسى, واقول يا ترى مكشر ليه, وافرض اسباب, واعيش مع نفسى برده ههههههههه وبعدين افتكر انى مش زعلانه عشان اكشر
وبعدين افرد وشى
وهكذاااااااااااا
ربنا يهدينا
دمت ساالم

حنين.. يقول...

ام حنين
خلاص انا صالحتك
كدا صافى يا لبن
صح
واقتراح كويس برده
جارى
التفكير فيه
بس تفتكرى ممكن اعرف اعمل كدا!
وتحياااااااااااااااااااااااااااااااااتى
ههههههههههه
دمتى سالمه

حنين.. يقول...

Beram ElMasry
حضرتك دا اعلان! وبا الرغم من كدا
انا لبيت الدعوه, بس معلقتش, مش عارفه ليه.......... يمكن عشان حسيت انه اعلان! دمت بخير
شهد الكلمات
والله كلامك كله شهد
انا بحب تعليقاتك اوى
والله انا دايما لما ازهق من كتر التفكير اقول لنفسى(دي نعمة و الحمد لله نعمة الاحساس....... زى ما بتقولى
يعنى انا الحمد لله انا طبيعيه
ربنا يطمنئك
دمتى بخيررررررررررررررررررررررر

مـجـنـووون يقول...

كبري دماغك من كل حاجه تفهه ومتستهلش توجعي قلبك علشنها

واشغلي نفسك بكل حاجه مفيدة ممكن تستفيدي منها

وعلي فكرة الناس مبيعجبهاش العجب ولا الصيام في رجب

تقبلي مروري
مجنووون

حنين.. يقول...
أزال المؤلف هذا التعليق.
حنين.. يقول...

انا ودماغى
شكل دماغك زى دماغى
ههههههههههههههههه
وجزاكم الله خيرا يا قمورتى على المجامله الرقيقه دى
ويا ترى عامله ايه فى الصيام
دمتى بخيررررررررررر

حنين.. يقول...

تسنيم حسين
اسمك فيه سجع كدا ههههههههههههههه
تعرفى انا اول مره سمعت اسم تسنيم دا استغربت اوى
بس بعد كدا فكرت فيه( وخلى باللك من كلمة فكرت فيه دى
وحبيبه اوى
طيب وبعدين يا تسنيم اعمل ايه فى نفسى, ما قولتيش برده
انا مش بفكر فى الهايفه والمليانه
انا بفكر فى كل حاجه بشوفها بعنيا وخاصة وانا ماشيه فى الشارع
كلامك جميل يا قمر
وفعلاا احنا عايشين بتدبير من عند الله
دمتى بخير

حنين.. يقول...

قلب مصرى
جزاكم الله خيرا
وساعات كتير بكتب كمان
دمت بخيررررررررررر

حنين.. يقول...

اختكم فى الله
جزاكم الله خيرا
3 جداااااااااا
والله كتير عليااااااااا
ايواااااااااا
بس علطول الدماغ شغاله 24 ساعه
لو خدت ساعه راحه
برده مش كفايه
والله حاجه تخلبط
المهم
مدونتك عجبتنى انا كمان جدااااااااا واسمك كمان
انى احبك فى الله يا اختنا فى الله
دمتى بخير

حنين.. يقول...

عا يش ولكن
جزاكم الله خيرا
اه طبعا لازم
بس برده مشكله دمت بخير

حنين.. يقول...

Tamer Alhosiny
جزاكم الله خيرا
لالا مش هاختفى
مش للدرجه دى
بس انا فعلاا شوفت اصحاب ليا كان وزنهم زايد
فكروا شويه
وزنهم قل جدا
وبسهوله
على فكره دى تنفع نظريه هههههههههه
فكر تخس

وجزاكم الله خيرا على التحليل دا
دمت بخير

حنين.. يقول...

elsha3er
جزاكم الله خيرا
بس ازاى بقى؟
دمت بخير

حنين.. يقول...

احمد سكر
جزاكم الله خيرا
ههههههههههه انا كمان بفكر وانا نايمه
دمت بخيررررررررر

حنين.. يقول...

انجى
جزاكم الله خيرا
فيشه, انتى كهر بائيه ولا ايه
هههههههههههههه يعنى مش لوحدى ما بعرفش اشيل الفيشه
بس انصحك ابقى شيلها كل فتره كدا
بس خاللك تتكهربى
وجزاكم الله خيرا يا قمورتى على المجامله
دمتى بخيررررررررررررر
وكل سنه وانتى طويبه

حنين.. يقول...

جمعاوى
جزاكم الله خيراااااااااااااا
الشعب المصرى باين كله كدا وانا مش واخده بالى وعاملها مشكله
طيب يلا كلنا نعمل وقفه للمشكله دى
ههههههههههههه
دمت بخير

حنين.. يقول...

بنوته
الله يريح باللك يا بنتى كدا علطول
ودعواتك بقى ليا
ومدونتك جميله جدااااااااااااااااااااااااااااااااا
دمتى بخير

حنين.. يقول...

,.-~*'¨¯¨'*•~mr ,.-~*'¨¯¨'*•~monshed
وحضرتك طيب
جزاكم الله خيرا
اه طبعا لازم نا خد رست
دمت بخير

حنين.. يقول...

عالم حبيب
جز اكم اللله خيرا
بس حضرتك انا قصدى انى بفكر كتير فى حاجه واحده
يعنى مثلاا وانا ما شيه فى الشارع
شوفت واحده ست عجوزه
شوفت واحد بيبع حاجات
طفله بتلعب
اقعد افكر فى حياتهم
ملا محهم
واعمل ادوار
وكدا
جزاكم الله خيرااااا على التعليق
والتحليل دا
دمت بخير

حنين.. يقول...

دكتوره سلمى
جزاكم الله خيرا
مدونتك انتى
هى اللى جميله
بس ملقتش مكان اعلق فيه!
دمتى بخير

حنين.. يقول...

مها
ازيك يا قمر
ههههههههههههه نسخه كربون
يا محاسن الصدف
بصررررررررره
بس مفرود برده نخاف على نفسنا
دمتى بخير

Yasmine يقول...

مش هعرف انصحك بحاجة لانى واحدة من الناس اللى لما بيقرروا يبطلوا تفكير بيفكروا اكتر من اى وقت تانى :)

اعملى الحاجات اللى بتحبيها دى اكتر حاجة بتهون و حتى لو فضلتى تفكرى هتلاقى الحاجات دى بتخفف عنك كتير
بس المهم تعرفى ايه اللى بتحبى تعمليه بجد

حنين.. يقول...

maioya
جزاكم الله خيرا
ينام سنه
هههههههههه شهر مش كفايه
دمتى بخير

حنين.. يقول...

شبــ اون لاين ـــاب
جززززززززززززززززززززاكم الله خيرااااااااا
والا قتراح
جارى التفكير فيه
هههههههههههههه
جزاكم الله خيرا كمان مره
دمت بخير

حنين.. يقول...

ابووووووووووووو كارمن
ايه دا
اخجلتم تو اضعنا
وجزاكم الله خيراااااااااا بجد
على كل كلمه قولتها
انا مش عارفه ارد على تعليققك با يه
غير جزاكم الله خيرااااااااااااااااا
وسلملى على كا رموناااااااااااااا
كتيررررررررررر
كتيررررررررررررر
دمت بخير
هانين
هههههههههههههه

حنين.. يقول...

appy
هههههههههههههههههههه
طيب وانا كمان اعمل ايه؟
شوفنا دكتور بقى
هههههههههههههههههه
نورتينى يا قمر
دمتى بخير

امجد
جزاكم الله خيرا
واعتقد اسبوع مش كفايه
يلا الله المستعان
دمت بخير


نهر الحب
جزاكم الله خيرا
انا اعتقد كدا برده
وبما ان ان التفكير طبيعه فى طبع الانسان
فخلاص يبقى عادى
نورتينى كا العاده
دمتى بخيررررررررررررر

روما نسى
جزاكم الله خيرررررررررررررررا
امين يارب
دمت بخير
نوور
ايه الكلام الجامد دا
دكتوره يا اخواتى واحلى دكتوره كمان
لا جبتى من الاخر
كلامك علم وسينفذ
وتعليقللك مش طويل ولا حاجه
على قلبى زى العسل يا عسل
دمتى بخير يا قمر

مجنووووووون
جزاكم الله خيرا
وان شاء الله يكون تفكيرى فى حاجه مفيده
دمت بخير

بنوته مصريه

جزاكم الله خيرا يا قمر
وسعيده بيكى
نورتنيى
دمتى بخيرررررررررررررررر

oRiGiNaL HeArT يقول...

والله انا احيانا ببقى زيك
بقعد طول الوقت افكر فى حاجات غريبة واحيانا غبية
ممكن كام يوم متواصل كمان
ولو حد جيه كلمنى وانا ساكته اقله سيبنى افكر شوية بقى
بيضحكو عليا ويقولولى هلكتى من كتر التفكير وانتى بتعملى ايه غيره
بس بيقولولى لو شغلتى نفسك بحاجة وبقى ليكى نشاط معين يبقى ليكى من خلاله هدف معين هتخفى ان شاء الله
انا قولت اقلك عشان تجربى
ولو جاب معاكى نتيجة ابقى قوليلى
اصلى مكسلة اجرب وكمان مش فاضية لانى بفكر شوية الايام دى

*الطالبة عفو الله *زوزو يقول...

حنين حبيبتي اول حاجة انك وحشااني وحشاااني موت
نجي للبوست تصدقي اننا مش عارفة اعلق و اقول ايه هي نفس الحالة معايا و عمالة افكر في حل و الفتر الي فاتت دي بعدت على الناس و انعزلت و جربت اعيش مع نفسي معرفتش رجعت تاني لقيت حاجات مش مريحاني و الله الحياة تحير
افكر مفكرش مش حتفرق كدة كدة مش مرتاحة الله المستعان
انا جيا اعلق و لا جيا انكد الله المستعان
مش لاقية حل و الله يا حنين ادهولك لما تلاقي حل ابقى قوليلي اعمل زيك
في حفظ الله يا قلبي

Eman Eltaher يقول...

هو انتى عندك فى إنه فعلا لكل واحد وجهته ف الحياة و طريقة اسلوبه و تفكيره اللى مش لازم بالضرورة انها تمشى مع اى حد و مع كل حد
التفكير زيادة متعب - اسأل مجرب و لا تسأل طبيب !! - و الحياة من غير تفكير مش حياة أصلا

بس انا بحييكى عن انك اتكلمتى ببساطة و صراحة جميلة بس انا بلوم فيكى انك حاسة ان دى مشكلتك انتى بس

والحقيقة

انها ممكن تكون مشكلة معظم اذا مكنش كل الناس

رمضان كريم

دى اول زيارة و ان شاء الله تدوم الزيارات

شيتوس الاهلاويه اووووي يقول...

حنونة حبيبتي
عاملة ايه وحشتييييني اوي
يارب تكوني بخير
واخبار رمضان معاكي ايه
وايه بس الكلام الجامد ده بجد حساسه اوي ورقيقة وبسيطة وكل حاجه جميله فيكي والله
ربنا يحققلك كل اللي بتتمنيه
ويارب في سعاده دايما
أختك شيتوس

عـــــا شــــق الـــحــــب يقول...

كل سنه وانتى طيبه
يارب زى السنه اللى جايه تحققى كل احلامك

ساره عمر يقول...

التجريه الي بتتكلمي عنها كتير اوي مننا عاشها وهي هروب من الواقع بس في الاخر بيكتشف انه ملهاش لازمه وانه مضطر يواجه الواقع حتي لو مر سنين وسنين علي الحياه الي هو عايشها دي
ورمضان كريم

حنين.. يقول...

oRiGiNaL HeArT
هههههههههههههه
مكسله
طويب
ولما الاقى حل هبقى اقوللك اكيد
ان شاء الله
دمتى بخير يا قمر

حنين.. يقول...

زيزى
وحشاااااااااااااااانى موت موت موت
ويا ترى عامله ايه فى الصيام
ما تنسيش تدعيلى
انا بدعييلك.............
ولما الاقى اكيد هقوللك
دمتى بخير يا قمورتى

حنين.. يقول...

Eman Eltaher
جزاكم الله خيرا
وانا اول مره اعرف انى الناس كلها زى
بتفكر كدا
نوريتنىىىىىىىى وشرفتينى
دمتى بخيرررررررررررررررررررر


شيتوس
ربناااااااااااااا يكرممك يارب
اخجلتى تواضعى
وجزاكم الله خيرا على التشبيه الجميل يا جميل
نوريتنى كا العاده يا قمورتى
وانا كويسه خالص يا شيتوس
ويا ريت السنه كلها رمضان
دمتى بخير
3ashk el7ob

امين يارب
جزاكم الله خيرااااااااااا
دمت بخير


حنين
يا اما
اسمك حنين
لا بجد
حنين
اسمك على اسمىىىىىىىىىى
بصره
جزاكم الله خيرا يا قمر
دمتى بخير

محبة للحبيب محمد صلى الله عليه وسلم يقول...

ولايهمك ياحنين كلنا هذا الرجل بقصد هذه الفتاة ..

ربنا يعينك ويعينا وكل رمضان وانتى طيبة

صباح الصباح يقول...

مش عارف هوة انا مش فاهمك بالضبط بس اعتقد ان جواكى حاجات كتير مكنونة ونفسها تخرج للوجود وانتى نفسك تخرجيها فى احلى صورة

يا ترى انا كدة فهمت صح؟؟

جنّي يقول...

السلام عليكم

ديننا والحمد لله دين الوسطية والاعتدال في كل شئ ..

محتاجين للعمل والراحة

والتفكير والاسترخاء

واليقظة والنوم

والعبادة وترويح القلوب

محتاجين للاعتدال

ضحكات الحياة يقول...

السلام عليكم

البوست جمبيل و فعلا التفكير دايما بيبقى متعب و انا مجربه ده الواحد مبيبقاش عارف ينام من كتر التفكير

بس فى شاعر بيقول
يا من تحن الى غد فى يومه .... قد بعت ما تدرى بما لا تعلم

و ده مش معناه متفكريش فى المستقبل
المستقبل مهم بس انهارده أهم بكره الله أعلم هيبقى فيه ايه ممكن حاجة تحصل تغير كل حياتك و كل خططك فى الحياة

الحياة جميلة حاولى الاستمتاع بجمالها و انسى الهموم و لو قليلا و اجعلى لعبادتك نصيبا ترين راحة البال ان شاء الله

ضــى القمــر يقول...

حنين

اول زيارة لمدونتكِ ووجدته رائعه بمعنى الكلمه حقا ..
موفقه بها غاليتى يارب .

وبخصوص البوست .
فأنا ارى موضوعكِ مهم حقا .. كثير بنتمنى عقولنا تتوقف .. ونلغى تفكيرنا للحظات .. ونكبر ونعدى ونطنش .

لكن بينى وبينك التفكير الدائم افضل ألف مرة .. لأن العمر مش كبير لدرجه اننا نلغى عقولنا ولو للحظات ..
فيليتنا نفكر دائما وبكل لحظه .

شكرا لكِ اختى
بوست خطير وراقى كصاحبته .
تحيتى لكِ

Rosie يقول...

حنين تساؤلات مشروعة يا حنين..
نعمل ايه؟..نكبر مبنستريحش..نفكر قوى نتعب....عامة حير الامور الوسط..
يعنى و لا نفكر اوى لدرجة كره الحياة ..
و لا نبطل تفكير و نكبر على الآخر و نغرق فى الهيافة..المعقول كويس...فى ساعات بيبقى محتاج تفكرى و ساعات تكبرى
..أتمنى لك التوفيق..تحياتى

كـــيــــــــارا يقول...

انتي يابت

عااااااااااااااااامله ايه

وحشااااااااني بجد

أختكم فى الله يقول...

فيه تاج فى مدونتى يا ريت لو حضرتك تحله

كـــيــــــــارا يقول...

بت ياحنييييييييييييين


رحتي فين يابت

Sweet Violet يقول...

حنييييييييييييين

وينك يابنتى

هو انتى كدا دايما مختفيه

طمنينى بقى عليك انا مش قولت بلاش تتأخرى

عذرك رمضان لكن بعد رمضان هاتصرف معكى لو غبتى كدا

انا بقول اهو

جنّي يقول...

السلام عليكم


تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

david santos يقول...

Great posting, my friend, greta!!!
Congratulations!!

غير معرف يقول...

تقبل الله منا و منكم صالح الأعمال
و مستنينك بعد العيد إن شاء الله

كـــيــــــــارا يقول...

كوووووول سنه اونتي طيييييييبه ياطفشانه

وحشتييييييييييييييني اووووووووووووووي

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

Dr Ahmed Said@Black Armor يقول...

اولا كل سنة وانتى طيبة الى الله اقرب وعلى طاعته ادوم وعيد سعيد
جميل انك عايزة تقربى من الناس جميل انك تدخلى جواهم وتفهمى احتياجاتهم لكنه صعب حتى على راجل لو فاكرة يعنى ان الفرق بس فى الجنس
لكن الامور اعمق بكتير يمكن لان كل واحد فينا فقد الثقة فى المحيطين ... مابقاش سهل نحكى همومنا او نفرغ انفعالتنا حياتنا بقت صندوق مقفول علينا حتى وشوشنا اترسم عليها تعبير واحد طبعا معروف
اه حبة فلسفة فى يوم العيد ههههه

shabfa2re يقول...

beeeep beeeep
happy eiiiiiid

قلب أبيــض يقول...

بسم الله الرحمن

فيديو كليب ..
تهنئة لشرفااء الوطن
بمناسبة عيد الفطر

الان على

قلب ابيض

تابعونا

رحــــيـل يقول...

كل سنه وانتى طيبه

عيد سعييييييد عليكى يارب


يارب تكونى بخير

الازهرى يقول...

صديقتى العزيزة

قال ابن سينا
اسباب العلل ثلاثه
دوام مدامةودوام وطء وادخال الطعام على الطعام

فبدأ بالتفكير لانه اهم اسباب المرض وقد يورد الانسان التهلكه


تحياتى
وكل سنة وانت طيبة