مدرستى جميله نظيفه متطورهادخلوها بسلام امنين
. ورسمة مدرسه على الحيطه بتاعة المدرسه( مكتوب عليها
نموزج لمدرسة الشهيد جلال.
أبص شمال ويمين
ألاقى مبنى قديم ومبنى جديد , طيب مين هو الشهيد جلال؟ وأى مبنى من الاتنين(
النموزج العظيم) انا معر فش!
دا أول ما شوفته من شعارات مكتوبه وأنا داخله المدرسه وفى أيدى بنت اخويا( اول بنوته من اولاد
اخواتى تدخل المدرسه. وعلى وشها ابتسامه عريضه وأسئله كتيره, زى كل الاطفال.
وبدأت با لاسئله...
( مانا, عمتو عمتو بكل قرف كدا , هى دى المدرسه بقى؟
حنين اللى هى انا بقى) رديت عليه بكل قرف برده, هو اصلاا كان يوم مقرف
مش عجباكى
دى كل العيله الكريمه اتعملوا هنا
جيل اخر زمن.
ابص للمدرسه يا اخواتى.
الاقينى مزبهله لا اردايا
وفاتحه بوئى توماتيكى ,وحاطه ايدى على خدى
وبرجع برجلى لوراء
وبمسك فى بنت اخويا
لا لالالا لالالالالالالا
مش هى
مانا) يلا يا عمتو ندخل
انا) انتى متاكده انها هى
انا) شور شور
مانا) لا مختش مصروف
وقعدت اتامل فى المدرسه وأسال نفسى
امال فين الملايين اللى كل سنه بسمع عنها لتجديد وبناء المدارس,
طيب انا قعدت يجى حوالى11 سنه فى المد ارس؟ معظمها كانت مدارس قديمه
ودا مش المهم!
المهم الفلوس بتروح فين
وبعد كام سنه ان شاء الله المدارس دى هتتهد وتتبنى من جديد
وكام مدرسه على دا الحال
برده مش دا المهم!
المهم
اننا لسه لغيت دلوقتى بنتكلم فى المبانى اللى هتقع واللى مش هتقع
والدول العربيه بيتعملوا با المعلقه.
وبعد الرحله التأ مليه دى , فوقت على ايد بنت اخويا وهى بتقولى يلا ندخل المدرسه وهى فرحانه اوى
وحيث ان لكل فعل ردفعل , رحت ماسكه ايديها
انتى فرحانه كدا ليه!
با المدرسه المهببه اللى هتدخليها
ولا با التعليم المهبب الى هتتعلميه ولا تكونيش فرحانه انك كبرتى
لا ما تفرحيش
دا انتى لسه قدامك
سنه اولى وتانيه وتالته واربعه وخامسه وكمان سته
واولى وتانيه وتالته اعدادى
واولى وتانيه وتالته ثانوى وان
جبتى مجموع بعد كل دا
ابقى زورنى فى تربتى وتفى على قبرى
المهم........
ان مانا برده بتضحك ولا فى دماغها
ومرجعتش فى كلامها ومصره على نفس الجمله( يلا ندخل المدرسه)
سميت بسم الله الرحمن الرحيم ودخلت برجلى اليمين ودخلنا المدرسه
هيااااااااااااااااااااااااااا
وطبعا مفيش حد فينا معندوش زكريات لاول يوم دخل فيه المدرسه
طيب انا اول يوم دخلت فيه المدرسه تهت, ههههههههههه
المهم
لاقيت فناء المدرسه كله ستات اه والله
ياااااااااااه كل دى مهمات
بسم الله ما شا ء الله
المهم قعدت اسأل
ما هو كان كل اللى قدامى مهمات ,7 من الاباء فقط, وعلى فكره حرصت اشد الحرص ان اعدهم من باب التفرقه العنصريه هههههه
فمكنش قدامى غير انى اتعرفلى على واحده تقولى ايه اللى بيحصل فى المدرس, ما هو مفيش ولا مدرس قدامى
المهم
قاللتى الست جزاه الله خير
تدخليها من البوابه اللى هناك دى
البوابه قدامها حشد من الستات
طيب وبعدين
طيب وليه الاولاد يد خلوا المدرسه با الطريقه دى
يدخلوهم من البوابه ويقفلوا عليهم
والامهات تستنى برا البوابه
والاولاد يصوتوا ويعيطوا جوا
حاجه كدا اشبه من السجن اه والله
طيب ما يعملوا طوابير فى الفناء وينادوا الاسماء زى منا فاكره
ا الظاهر انها بقى سياسه عامه هههههههههه
ما علينا
المهم ان الاولاد يدخلوا من البوابه من هنا
والصويت يشتغل
والامهات تتخانق
ومنظر غير حضارى خالص هههههههههه
ومانا فى اللحظه دى مكنتش بتضحك لوحدها, كنت انا وهى
وبعدين لاقيت الاول الصبيان
عاملين طوابير مع نفسهم ورفعين الشنط, وقاعدين يقولوا لا اله الا الله
والستات يعنى قاعدين يرددوا
دا سجن دا
دى مش مدرسه
عايزين نشوف عيالنا
والله العظيم انا شحت موبيل بكاميرا عشان اصورلكم اللى شوفتوا
بس لوكنت صورت كنت رحت فى الرجلين, وما كان اكثرها.
وشويه
لاقيت العيال طاعلين من فوق الدور التانى وبينطوا
وصوووووووويت على الاخر
دا كله فى المدرسه
يعنى المشهد اقرب بمخبر العيش
ولم يسلم المشهد من خناقة الستات مع بعضهم برده
يعنى الكلام دا لو فى اى مكان
ما شى, هعديها
لكن فى المدرسه, ازاى!
تطبيق النظام عندنا فى اى عمل كمان شويه هيبقى معدوم,
انا مش عارفه العيب من مين؟
دا غير بقى التعليم نفسه؟
النظام من اوله لاخره فا شل والحدق يفهم
وانا قولتها ومش خايفه
التعليم هنا
باااااااااا طل بااااطل باا طل
وكل سنه وانتوا طيبين
وعيد سعيدددددددددددددددددددددددد
والله انا عارفه ان اتأخرت فى البوست, لكن والله انا تعبانه وواخده برد محترم, ولسه كان متعلقلى محلول وباخد حقن وقاعده ابلع حبوب
يعنى اللى عايز العيديه منى
بلاش
حفاظا على صحته هههههههههههههه
كل سنه وانتوا طيبين
يا احلى مدونين
حنين
هناك 44 تعليقًا:
اول تعليييييييييييق
وراجعه بس بحجز
وانا مستنياكى يا قموووووووووووووورتى
ممممممممممم
اولا الف حمد الله علي سلامتك ياقمر
وحشتيييييييييييييييييييييييييني
نيجي بقي للبوست الداهيه ده
---------
وأسال نفسى
امال فين الملايين اللى كل سنه بسمع عنها لتجديد وبناء المدارس؟؟
----
الواحد يقول اللي ليه واللي عليه
هما بيعملوا المدارس وبيجددوها والحياه فلللللللللللللللللللللللللللللل
---------
لا ما تفرحيش
دا انتى لسه قدامك
سنه اولى وتانيه وتالته واربعه وخامسه وكمان سته
واولى وتانيه وتالته اعدادى
واولى وتانيه وتالته ثانوى وان
جبتى مجموع بعد كل دا
ابقى زورنى فى تربتى وتفى على قبرى
---------
ههههههههههههههههههههههههههههه
يالهوي عليكي ياحنين هتعقدي البت من اولها زي خالتي تقول لبنتها ايه
بتزاكري ليه ماهتترمي بعد اما تتخرجي ولا في شغل ولا نيله
يالهووووي سيبوا العيال ياخدو الصدمه واحده واحده ويعيشو سنهم
-----------
وطبعا مفيش حد فينا معندوش زكريات لاول يوم دخل فيه المدرسه
-------
انا مش كنت بفتح وصله العياط الا علي بابها وبفضل ماسكه في ايد ماما
اصل ساعتها كان المير اسمه علي ومطلعين اشاعه انه بيضرب الفراش بالكرباج واللون الاحمر في الحمامات بتاعت المدرسه
ده دم الفراش وكنت اول اما اشوف مستر علي ده بترررررررعب رعب وبيجيلي كوابيس فتقريبا لحد اما خرجت من المدرسه الابتدائي كنت يوميا ماما بتعاني في دخولي المدرسه
--------
7 من الاباء فقط
ايوه ايوه علي التفرقه العنصريه ..
لا ياتوتا بابا وماما كانو بيوصلونا سوا لكن في المرواح كانت ماما اللي بتاخدنا واحيانا ماما لكن ماما اللي كانت علطووول
------
والاولاد يصوتوا ويعيطوا جوا
--------
احم احم
--------
هما بس عشان يعودا الاطفال بالانفصال عن اهلهم
-------
تطبيق النظام عندنا فى اى عمل كمان شويه هيبقى معدوم,
-------
اممممممممم النظام بيبقي تربيه قبل اما يكون اداره يعني مستحيل تلاقي واحده متعوده علي تنثيق كل شي هتتكلم بشكل عشوائي ولا هتقف وتتتخانق والكلام ده هتلاقي كل اللي هناك وعملو الهوجاء ده هتلاقيهم متعودين علي كده اصلا
---------
النظام من اوله لاخره فا شل والحدق يفهم
------
طيب انا مش حدقه بقي ومش فهمت كيكيكيكييك
------
وحشااااني ياحنين اووووووووووووي
حنيييين انتي هنا ياقمر
امممممممممممممممموه
كيارا
وانتى وحشتنيى مووووووووووت
حاضر هضيفيه, وهقوم عشان اخد الحقن اهى اهى
دعواتك بقى
ايه الغيبه الطويله دى
نورتى مدونتك
الصراحه انتى بتكلمى طبعا عن مدرسه حكوميه
خلاص دا كده شئ عادى عادى خالص
بس ادعى لبنت اخوكى
تطلع بالسلامه منها
كل سنه وانتى طيبه
وعيد سعيد
وسنه دراسيه نظيفه
كل سنه وانتى طيبه
اما على العديه فانا عاوزه علشان متعود على البرد فا مفيش مشكله
بوست رائع ورجعنى سنين علشان افتكر اول يوم مدرسه
بس انا عندى سؤال هو التعليم فاشل
والنظام فاشل والحكم فاشل طب مطلوب
ايه مننا احنا نعمله ايه لو عندك جواب على سؤالى تبقى خدمتينى
اه نسيت
الف سلامه عليكى وكل سنه وانتى طيبه
joker
شبـــ اون لاين ــاب
كل عام وحضرتكم بخير
عيدكم مباررك
تحياتى لحضرتك
اولا ازيك ياحنونه ياجميله
وكل سنه وانتى طيبه
عيد سعيد عليكى يارب وبعد الشر عنك
الف سلامه
طب مش كنت توقليلى كنت جيت زرتك وجبتلك 2 كيلو كيس فاضى :)
والله وحشتينى يانونا ودعيتلك كمان فى رمضان
بخصوص موضوعك عن التعليم المدارس بجد بقت كوسه
انتى حستينى انك كنت فى سوق مش ف مدرسه
اما عن التعليم نفسه خلينى انا اتكلم فيه
انا كان عندى بوست قديم جدا اول ماعملت البلوج هنشره تانى
ساخر ابقى اقريه
وماتزعليش كلها بقت بايظه
يارب تبقى بخير دايما ياقمرى
وربنا معاكى
عيد سعيد تانى
:)
اولا الف سلامه عليكى
ثانيا كل سنه وانتى طيبه
ثالثا بقى معاكى حق فى كل كلمه
بس هوا ايه فى بلدنا لسه مش بايظ؟؟
اكيد طبعا تلقائى دى مدرسة حكومية , لأنى شايفة المدارس الخاصة ماشاء الله عليهم ماوراهمش غير بنا المبانى ودهانها , والسيراميك والوايت بورد , وممكن يرفدوا عشر مدرسات فى سبيل ارضاء ولية امر , اما الحكومى , اسهل كلمة يقولوا : عندهم مش عاجبك وديهم مدرسة خاصة
مدرسة خاصة تدفعى فيها مرتب اربع شهور مع بعض , وبعدين تعملى جمعية علشان تدفعى الاقساط
وعلى رأيك دا كله علشان ف الاخر هيبقوا ايه ؟؟؟!!!
ماعلينا كل سنة وانتى طيبة , وذاكرى انتى بس للبنوتة ويارب تبقى دكتورة كبيرة
بوست هايل يا حنين بحد
والاجمل منه مناقشتة لأجزاء كتيره
واكتر شيء يدل ان مفيش نظام ولا تنظيم ولا اى سياسه لمجال التعليم ان الاولاد دخلوهم للمدسة فى اخر ايام رمضان
ولو تعرفوا ان المدرسين بنفسهم بقوا يقولوا للطلبه روحوا ومتجوش الا بعد العيد تتجننوا اكتر
ومفيش تلميذ واحد فى اى مدرسه حكوميه استلم كل كتبه المدرسيه علشان يتعلم منها
السؤال اللي بيطرح نفسه زي ما هو بيخبط فى عقلى امال المدرسين هيعلموا التلاميذ من ايه. بدون كتب المدرسه
ولا هما كانوا بيدوروا علي الكوادر من المدرسين علشان يدرسوا للتلاميذ على الغايب بدوت كتب
واصلا هيدرسوا ايه دا المنهج ربنا العالم بيه بيتغير اكتر ما بيتغير حالنا فى البلد دى
الله المستعان
بس كلامى عن الكتب مجموع من اكتر من مدرسه هنا فى شبرا مصر وشبرا الخيمه وكل واحد ادرى بالمدارس اللي حواليه
ملحوظه : المدارس فوضه وفاضيه من التلاميذ منذ بدء العام الدراسى
بعتذر لتطويلى في التعليق لكنك اثرتى موضوع جميل بجد من ضمن مساوء التعليم عندنا
خالص تحياتى واعجابى والله يكون فى عون اطفالنا
هههههههههههههههههههه
انتى بجد مشكله
انتى داخله مدرسه ولا سجن القناطر
ربنا يستر على اولادنا من اللى جاى
انا عن نفسى لما دخلت الثانوى متعرفتش ع المدرس اللى حيدينا الماده الا بعد اسبوع من الدراسه
كنا بندور عليه
و بجد الف سلامه عليكى
و كل سنه و انتى طيبه
السلام عليكم ورحمه الله وبركاته
----------------------
اذيك ياسكره وكل سنه وانتى طيبه اما بالنسبه بئه للدراسه
فأنسى يابطه انتى قلتى باطل وهى كلمه عندك حق فيها طبعا
ربنا يعين الجيل الجاى بجد على اللى هما فيه
احنا كنا فى عز شويه عنهم
يلا ايام وهتعدى ان شاء الله
وعسى ان تكرهوا شيئا
الله المستعان
تسلمى بجد بوست جميل
-----------------------
أولاً أولاً ألف سلامة عليكي يا قمر شفاكي الله و عافاكي
و أول ما تخفي مستنية العيدية برضو
لا مفر
ههههههههههههه
ثانياً بقة
كل سنة و انتي طيبة يا جميلة
و عيد سعيد و مبارك عليكي
ثالثاً بقة صُلب الموضوع
والله مش عارفة
بس برضو ليه لازمة التعليم
سيبك انتي
موديتوهاش ليه المرديديو ولا سان أي حاجة
ههههههههههه
مش عارفة لية ماشاء الله يعني او مش عارفة اية الاكسبرشن اللي مفروض يتعمل
ان مدارس الراهبات و الحاجات دية
بتبقى منظمة قوي
و بيعلموا الاولاد فيها الادب جداً
يلا خير خير
ربنا يوفقها
بس احلى حاجة ان مانا كانت بتضحك
ربنا يخليها كدة مبسوطة علي طول
و كل سنة وانتي طيبة يا قمراية
دمتي سالمة
سلام عليكم
بوست جميل
كل سنة وانتى طيبة يا قمر وعيد سعيد
المشكلة مش فى المبانى وشكلها حلو ولا وحش المهم هو المضمون ومناهج التعليم اللى لازم تخرج من نطاق الحفظ والتلقين لنطاق البحث والفهم.
والحكاية دى طويلة قوى وهاتاخد مناقشات طويلة
حنين
الف سلامه عليكى ياقمر
وعيد سعيد
شوفى اول يوم دراسه بالشكل ده اول مره اسمع عنه
هههههههههههه
مع انى اول يوم دراسه عندى برضه بيكون ليه العجب تصدقى انا فكرت احكى عنه برضه بس من وجهة نظرى كاداريه فى مدرسه وخصوصا انى انا اللى مسئوله عن شئونا لتلاميذ
اوووووووووووووف بيكووون يوم مايعلم بيه الا ربنا خصوصا لما بيكون فى رمضان
مهو انا طول اليوم بمر على الفصول انادى بالقوايم على الاسامى تخيلى 18 فصل ب708 تلميذ بنادى عليهم
وبرضه عايزه اقولك ان لو سمحو لاولياء الامور بالدخول بتكون مهزله جامده وللاسف بيتعامولو باسلوب غير حضارى نهائى
هى مشكله تنظيم فعلا فى الاول والاخر
التعليم و سيرة التعليم
بلاها سيرة يا حنين دي فضحتنا فضيحة لا تعليم زي الناس و لا نظام زي الناس
الله المستعان مش عارفة حنفظل على الحال دة لامتى؟؟؟
المهم يا قلبي وحشاااانا و سلامتك الف سلامة ليكي يا حبيبتي
و كل سنة و انتي طيبة و عيد مبارك سعيد و تقبل الله منا و منكم صالح الاعمال
دمتي في حفظ الله
فى الأول ألف سلامة عليكى
بس انتى عايزة تعقدى البنت ده انا اتعقدت من كلامك بس الرحمة وان شاء الله هتجيب مجموع فى ثانوى وتيجى تتف على تربتى أنا:D
المهم تصورى ان مستوى التعليم فى نفس مستوى المبانى وربك يستر
ثم انتو المسترخصين فيه مدرسة فى المعادى السيمستر أى الترم بخمناشر ألف بس :D
تحياتى وكل سنة وانتى طسبة ومش هتضحكى عليا فى موضوع العيدية :)
والله نظام التعليم في مصر فاشل جداً
***************
لا ما تفرحيش
دا انتى لسه قدامك
سنه اولى وتانيه وتالته واربعه وخامسه وكمان سته
واولى وتانيه وتالته اعدادى
واولى وتانيه وتالته ثانوى وان
جبتى مجموع بعد كل دا
ابقى زورنى فى تربتى وتفى على قبرى
يا لهوي علي الأفترة أول ما البنت تدخل المدرسة تعقديها .ههههههههههههههه
**********
تعالي قوليلي أنتي عطيتي للبنت مصروف والا لا ؟؟هههههههههههههه
تقبلي مروري
مجنووون
صديقتى العزيزة
صدقينى عندما كنا صغارا وكان هناك تجديد لمدارسنا بالجهود الذاتية كنا اول من شارك فيها
فالامر يتطلب ان يكون هناك نية للاصلاح ووعى يزرع الانتماء داخل الطلبة نحو مدارسهم
كما ان الاكثر اهمية فى رأيى هو المحتو التعليمى الذى هبط من الصفر الى ما دون ذلك كثيرا
تحياتى
موضوع جيد للطرح
وبالمناسبة كفاية سلامات انتى وكيارا
علشان متقلش المعرفة
أولا أنتى وحشتينى اوى
غيابك طول اوى على فكرة بس على الله يكون خير
البوست رائع و بجد أنا هلكت من الضحك
هى دى مصر يا بنتى
أنا جاية أقولك أنك حتوحشينى تانى لأنى حسيبكم
و يا ريت تقرى بوستى الجديد لانى محتاجة الدعاء بجد
موووووووووووووووووووووووه
و الله بحبك أوى فى الله
وده حال التعليم ومن سئ لاسوء لانيل لتخريج اجيال معقده والحل منعرفش نعمل حاجه ده حاله ميؤس منها
بس
كل سنه وانتى طيبه يا قمر
هههههههههههههههه
الواحد مش عارف يقول ايه بس انا مسخسخ اصل انا حصلي الموقف دي وانا داخل الجامعه كنت جاي من بره وشايف الجامعات هناك
اول مادخلت الكلية قلت لصاحبي انته جبتني خدمه اجتماعيه وله ايه يله ياعم نمشي قال لي هيه دي الكلية اللي هتقضي فيها الخمس سنين ومن ساعتها وانا بدخلها برجلي الشمال
هيه بلدنا كده هنعمل ايه
تحياتي
السلام عليكم
اولا حمدلله على سلامتك
وكل سنه وانت طيبه وبخير ومبسوطه
عندك حق التعليم هنا بااااااااااااااااااااااااااطل
ربنا يستر على ألأجيال الجايه وربنا يستر علينا
والسلام عليكم
ههههههههههههههه
اولا الف سلامة عليكى يا جميل
ربنا يشفيكى يارب
وبعدين ما تسيبى البنت فى حالها
لازم تعقديها كدة من اولها وتعديلها سنين الشقى اللى هتشوفها
حرااام عليكى
ههههههههههههه
وبالنسبة للامهات انا بعتب عليكى
كان لازم تحسسى بنت اختك انها مش اقل من اى تلميذ مامته بتتخانقله
على الاقل كنتى اتخانقتيلك مع اتنين تلاتة كدة
ههههههههه
ويلا بقى خفى بسرعة :)
ليكى عندى تاج يا جميل
روحى خده من مدونتى
اولا وحشاااااااااااااانى موت يامختفيه دايما
ثانيا بقى الف الف سلامه عليكى ياقمر
ثالثا بقى العديه انتى طلبتيها منى واجى الاقيكى هنا بتهربى انك تدى العديه
امممممممممممممم طيب لما تخفى بقى ابقى اديهالك مش تعبانه D:
ايييييييييييه بتفكرى طلبت من مين العديه طبعا ..مش هاقولك خليها فجأة بقى P-:
نيجى للبوست ايييييييييه التعقيد اللى بتعمليه فى بنت اخوكى دا هههههههههههه
دا انتى مشكله بجد
بس بجد تصويرك للمنظر بتاع اول يوم فعلا سجن مش مدرسه ابدا بس عاااااااااادى جدا احنا بيقنا فى زمن عدم الاستغراب ..يعنى اللى شفتيه دا طبيعى جداااااااااااا
و فعلا نظام التعليم كان على ايامى بقول انه غريب دلوقتى لما بشوف النظام والتجديد بتاعه بقى اغرب من الاول
ربنا يستر و بنت اخوكى تطلع منه على خير
هههههههههههههههههههههههههههههه والله حسستينى ان انتم كنتم فى سجن بجد طب قولى الولاد يعيطوا علشان خايفين طب والستات تصوت ليه مهم عارفين انهم داخلين يتعلموا مش يعذبوهم يعنى
وكمان ايه يابنتى جرعة الاحباط اللى اديتها للبت دى بالعكس انتى مفروض تطمنبيها وتحسسيها ان المدرسة حلوة علشان متكرهاش
كل سنة وانتى طيبة
وبجد الف الف سلامة عليكى يارب دلوقتى تكونى بخير
تحياتى
ايمى
اول زياره ليها هنا
بصراحه الى انتى شوفتيه ده بيحصل فى كل المدارس للاسف
بس هنعمل ايه مضطرين
بجد انا بحمد ربنا انى خلصت تعليم وبشفق جداا على اللاطفال الى لسه بيتعلمه
عارفه انا لما بشوف اختى رايحه المدرسه بحس انى زعلانلها
ويارتهم بيستفادوا حاجه عدله
بس اهم حاجه ان مانا كانت مبسوطه
واظن لو فاهمه الى مستنيها مكنتش هتضحك
الحمد لله انها مش فاهمه
تحياتى........
أولا ألف سلامة عليكى يا امر
ثانيا باضم صوتى لصوتك و أقول التعليم باطل باطل..و ممكن أقول نفضل نقول كده للسنة اللى جاية..التعليم ده جرح فى جميع النفوس..حاجة كده مقلافة هدفها العكننة على خلق الله..
معاك حق فى كل اللى قلتيه..
إذا نظر كلاً منا بنظرة المتعمق والمتفكر فى كل المؤسسات الحكومية سيجد من الفشل والاهمال والسرقة مايلايمكن ان يعقل...ولكن نحن دائماً نعرض المشاكل ولا نعرض حلولا وإذا عرضنا حلولا لا تطبق بحجج كـ ميزانية الدولة لا تكفى..هذه البلد خير من غيرها
وأيضاً إذا تأملنا اكثر سنجد أن أبائنا واقاربنا هم من يعملون فى هذه المؤسسات..حتى وإن كان ليس بيدهم التغير فيها ولكنهم الغالبية
والناظر إلى التاريخ بعمق يجد ان سنغافورا استقلت عن ماليزيا عام1965وفى خلا سبعة وثلاثين سنه اعلن سنة2002ان سنغافورا من اكبر دول العالم تصديرا للمواد الصناعية..لما؟
لأن كان لديهم شعار هو(نحن الأوائل)كانوا يكتبونه على مؤسساتهم والكتب التى توزع على الطلاب...فأصبحوا كذلك؟
فإن لم تنصلح هذه البلاد من ابنائها فلا صلاح لها (ولا يغير الله مابقوم حتى يغيروا مابأنفسهم)
اسف للإطالة
في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
وحشانى يا حنيييييييييييين
ايه الحلاوة دى
ام كارمن
أين انتي يا حنونة؟؟؟
كل سنة وانتى طيبة يا قمر
مهو لو مبقتش مدارسنا المصرية الفظيعةت العريقة تبقة كدة امال هنلاقى الاهمال فين والخ الخ دة العادى بتاعناااااااااااااا بس انتى عثل اسلوبك حلو
يا ستى
أنا أنصح كل أب وأم أن يضع مناهج لأبناؤه و يعلمهم بنفسه بجانب الخراب اللى اسمه تعليم .!!!!!! والله لو كل واحد عمل كده ها يكون عندنا جيل مثقف و الجيل ها يصلح التعليم
لأن الجيل الحالى ما يعرفش غير كده أقصد المسئولين
ننه بتسلم عليكى
طق طق طق طق
يا صحبت المدونه يقالك فتره كبيره غايبه علينا مينفعش كده طمنينا عليكى
كان معكى شباب من اسكندريه
JOKER
نداله نداله يعني مش اي كلام
انتي غطسانه فيييييييييين
يا ولاد احلال
تن تي تن تن تن
محدش شاف واحدة اسمها حنين
تن تي تن تن تن
يا بنتي where are youz???
انتى فين يابنتى
دايما كدا تقلقينا عليكى
اظهر وبان عليك الامان
اه و الله يا حنووووونة التعليم باااااااااطل أمل يا أختي لو شوفتي الجامعات و أجارك الله من الجامعات و حمامات الجامعات و المباني الأيلة للسقوط في الجامعات ....وحشاني يا بت يا حنونة ....عاملة إيه ؟ و أين أختفيتي ؟؟؟
إرسال تعليق